Óskemende 22 jastaǵy jigit tabylmady, dep habarlaıdy "Adyrna" ulttyq portaly Ulysmedia.kz-ke siltep.
“Ertis ózenine sekirip ketti” dep habarlanǵan Jandos Baıanovty birneshe kúnnen beri tabylmaýda. Onyń aǵasy Aıbol Baıanov izdeý jumystaryna kóńili tolmaıtynyn aıtqan. Joǵalǵan azamattardyń týystaryna Shyǵys Qazaqstan oblystyq tótenshe jaǵdaılar departamentiniń baspasóz hatshysy “izdeýdi qatty aǵys pen sý aıdynynyń uzyndyǵy qıyndatyp jatyr” dep málimdegen.
"Qutqarýshylar bir ǵana qaıyqpen izdep jatyr. Arasynda ózim de olarmen birge ózen betine shyqtym. Máshınemen de Ertis ózeniniń jaǵalaýyn kúnde qarap júrmin. Biraq taba almadyq. Sýǵa 15 mamyrdan 16 mamyrǵa aýǵan túni saǵat 00.45 shamasynda sekirgen. Qutqarýshylar izdeýge birden kóshken joq", — dedi Aıbol Baıanov.
Al Oblystyq tótenshe jaǵdaılar departamentiniń baspasóz hatshysy, izdeý polıııadan shaǵym kelgen sátte bastaldy degendi aıtady.
"Izdeý jumystary júgingen ýaqyttan, atap aıtqanda 2024 jylǵy 16 mamyrdan bastap bastaldy. Kún saıyn qaıyqtaǵy qutqarýshylar jaǵalaý syzyǵyn zertteıdi, izdeý jumystaryna kúshti aǵyn men sý aımaǵynyń uzyndyǵy qıyndyq týǵyzyp otyr", - delingen TJD habarlamasynda.
Departamenttiń málimetinshe, izdeýler Predgornoe kentine deıin júrgizilgen.
Al joǵalǵan jigittiń aǵasy qutqarýshylardyń jumysyna narazy. Sebebi Aıbol Baıanov qutqarýshylar birneshe aryzdanǵan soń ǵana izdeýge kiriskenin aıtady. Al inisiniń kópirden sýǵa sekirgenin kýágerlerden bilgenin aıtady.
"Polıııadan “sergek” kameralarynan qarap berýdi suradym. Biraq jazbany arnaıy ruqsatsyz bere almaıtynyn aıtty. Máshıneler aıyppul alǵanda vıdeony dereý kórsetedi ǵoı, kólik adam ómirinen qymbat pa?" — ol.
