Shymkent qalasynyń mamandandyrylǵan aýdanaralyq qylmystyq soty burynǵy Shymkent ákiminiń orynbasary Maqsut Isahovty 8,5 jylǵa sottady, dep habarlaıdy “Adyrna” ulttyq portaly.
Maqsut Isahov ómiriniń sońyna deıin memlekettik qyzmet atqarý quqyǵynan aıyryldy.
Maqsut Isahov 2020 jyldyń aqpan aıynan bastap Shymkent ákimi orynbasary qyzmetin atqardy, birneshe salalarǵa jetekshilik etti. Kólik jáne avtojoldar salý, týrızm, qalanyń sporttyq ómiri, ıfrlandyrý jáne jerdi paıdalaný men qorǵaýdy memlekettik baqylaý salalaryna jaýapty bolǵan.
2023 jylǵy 20 shildede UQK qyzmetkerleri Mahsýt Isahovty sybaılas jemqorlyqqa kúdik boıynsha ustady. Oǵan Shymkent qalasy boıynsha UQKD birinshi orynbasary Manat Sarbasovqa asa iri mólsherde para berýge oqtalǵany úshin aıyp taǵyldy.
Tergeý málimetteri boıynsha, Isahov Manat Sarbasovqa qarsy qylmystyq isti toqtatqany úshin 200 myń dollar usynǵan. Isahov UQKD bastyǵynyń orynbasary odan jarty mıllıon dollar bopsalaǵanyn málimdedi.
Memlekettik aıyptaýshy sottalýshyǵa memlekettik qyzmette qyzmet etý quqyǵynan ómir boıyna aıyra otyryp, 8,5 jylǵa bas bostandyǵynan aıyrýdy surady, sondaı-aq Isahovty «Qurmet» memlekettik ordeninen aıyrýdy usyndy.
Óziniń sońǵy sózinde Maqsut Isahov 3,5 jyl ákimdiktegi qyzmetinde ádil, abyroımen jumys isteýge tyrysqanyn aıtty.
«Qolymnan kelgenin barlyǵyn jasadym. Shymkent qalasy halqynyń jaqsy ómir súrýine jaǵdaı jasaýǵa tyrystym. Manat Sarbasovtyń maǵan degen jeke kózqarasy bolǵanyn bilemin. Prokýrorlar 8,5 jyl surady. Bul oqıǵadan maǵan senetin adamdar bar ekenine kózim jetti. Sot ádil sheshim shyǵarady dep oılaımyn. Bizdegi zań ádil dep oılaımyn», - dedi ol.
Shymkent qalasynyń aýdanaralyq sot ákimniń eks-orynbasaryn 8,5 jylǵa sottady. Úkim zańdy kúshine engen joq.
