Tashkent oblysynda júk vagondary relsten shyǵyp ketti, dep habarlaıdy "Adyrna" ulttyq portaly QazAqparatqa siltep.
«Ýzbekıston temır ıýlları» kompanııasy 18 mamyr kúni vagondardyń relsten shyǵyp ketkenin málimdegen.
Kompanııa málimetinshe «BN Grain and Oil Group» kásiporynynyń qyzmetkerleri vagondaǵy júkti qabyldap alý sátinde temirjol qurylǵysyn qoldaný erejesin saqtamaǵan. Saldarynan jeti vagon relsten shyqqan.
«Vagondardaǵy júkti túsirý kezinde kásiporynnyń qyzmetkerleri tıisti talaptardy saqtamaǵan. Atap aıtqanda, olar arnaıy arqannyń kómegimen vagondardy súıremek bolǵan. Nátıjesinde arqan ilinip turǵan qurylǵydan shyǵyp ketip, vagondar óz epkinimen júrip ketken», - dep oqıǵanyń mán-jaıyn túsindirdi «Ýzbekıston temır ıýlları» kompanııasynan.
