Global Financial Integrity taldaý ortalyǵy zańsyz ıemdengen qarajattaryn jyljymaıtyn múlik arqyly AQSh-ta zańdastyrǵan bıznesmenderdiń tizimin jarııalady. Olardyń arasynda Almatynyń burynǵy ákimi, eks-mınıstr Vıktor Hrapýnov, burynǵy munaı jáne gaz mınıstri Saýat Myńbaev pen Qazkommerbanktiń burynǵy ıesi Asqar Alshynbaev bar, dep habarlaıdy «Adyrna» tilshisi.
Taldaýda Vıktor Hrapýnovtyń Nıý-Iork pen Ogaıo shtattarynda quny 35 mıllıon dollar turatyn jyljymaıtyn múlki bar ekeni kórsetilgen.
Al Saýat Myńbaev pen Asqar Alshynbaevtyń jyljymaıtyn múlki 391 mıllıon dollarǵa baǵalanyp otyr. Kásipkerlerge tıesili keńse ǵımarattary men páterler Nıý-Iork pen Florıdada ornalasqan.
Eske salaıyq, buǵan deıin eks-prezıdent Nursultan Nazarbaevtyń týystarynyń, Májilistiń burynǵy spıkeri Nurlan Nyǵmatýlınniń jáne basqa da qazaqstandyqtardyń Dýbaıda qymbat jyljymaıtyn múlikteri bar ekeni belgili bolǵan edi.
