Eraly Toǵjanov Premer-Mınıstr Oljas Bektenovtyń keńesshisi bolyp taǵaıyndaldy. Bul aqparatty Úkimet basshysynyń baspasóz qyzmeti rastady, dep habarlaıdy “Adyrna” ulttyq portaly.
Ol 1963 jylǵy 13 mamyrda Batys Qazaqstan oblysynda dúnıege kelgen. 1988 jyly Qaraǵandy memlekettik ýnıversıtetin, 1994 jyly Qazaqstan Respýblıkasynyń Ǵylym akademııasynyń Memleket jáne quqyq ınstıtýtyn támamdaǵan. Mamandyǵy boıynsha biliktiligi — zańger.
Eńbek jolyn 1980 jyly Oral oblysy Oktıabr orman sharýashylyǵynyń jumysshysy retinde bastaǵan.
1988-2001 jyldary — Qaraǵandy memlekettik ýnıversıtetinde oqytýshy, QR Ǵylym akademııasynyń Memleket jáne quqyq ınstıtýtynyń dırektory, fakýltet dekany, Qazaq memlekettik zań ýnıversıtetiniń fılıalynyń dırektory.
2001-2006 jyldary — Qaraǵandy oblysy ákiminiń orynbasary.
2006-2008 jyldary — Qazaqstan Respýblıkasy Ádilet mınıstrliginiń Din isteri jónindegi komıtet tóraǵasy.
2008-2017 jyldary — Qazaqstan halqy Assambleıasy tóraǵasynyń orynbasary, QR Prezıdenti Ákimshiliginiń Qazaqstan halqy Assambleıasynyń Hatshylyǵynyń meńgerýshisi, QR Prezıdenti Ákimshiliginiń Ishki saıasat bóliminiń sektor meńgerýshisi.
2017-2019 jyldary — Mańǵystaý oblysynyń ákimi.
2019-2020 jyldary — QR Kásipodaqtar federaııasynyń tóraǵasy.
2020 jyly 11 aqpanda Memleket basshysy Q. Toqaevtyń Jarlyǵymen QR Premer-Mınıstriniń orynbasary bolyp taǵaıyndaldy.
2021 jyly 18 qańtarda QR Prezıdentiniń Jarlyǵymen osy qyzmetine qaıta taǵaıyndaldy.
2022 jylǵy 11 qańtarda QR Prezıdentiniń Jarlyǵymen Qazaqstan Respýblıkasy Premer-Mınıstriniń orynbasary bolyp qaıta taǵaıyndaldy.
2022 jylǵy 31 tamyzda QR Prezıdentiniń Jarlyǵymen Aqtóbe oblysynyń ákimi bolyp taǵaıyndaldy. Ol 2023 jylǵy 5 qyrkúıekte bul qyzmetinen bosatyldy.
