Polıeı bolyp jumys istegen kúıeýinen zorlyq-zombylyq kórgen "Qazaqstandyq turaqtylyq qory" AQ syrtqy kommýnıkaııalar qyzmetiniń basshysy Shynar Jánibekova shyndyǵyn aıtty. Ol áleýmettik jelidegi paraqshasynda málimdedi, dep habarlaıdy “Adyrna” ulttyq portaly.
Áıeldiń aıtýynsha, ol elimizde turmystyq zorlyq-zombylyqqa qarsy qabyldanǵan jańa zańǵa senip, kúıeýiniń ústinen aryz jazǵan. Alaıda onyń polıııa qyzmetkerleriniń is-áreketine kóńili tolmaǵan.
"Endi turmystyq zorlyq-zombylyqtan keıin áıeldi ne kútip turǵanyn aıtyp bereıin.
8 mamyrda kúıeýim maǵan taǵy da qol kóterdi. Men zań áıeldiń jaǵynda degende sengendikten, polıııa shaqyrdym.
Sol kúni kúıeýim artymnan qýdy, men jalańaıaq kóshege shyǵyp kettim. Ol meni qulatyp, tepkileı bastady. Men adamdardy kómekke shaqyryp, aıǵaıladym. Qorqynyshtan ba, ne qatty aıqaılaǵanymnan ba, dáretimdi jiberip qoıdym. Muny kórgen kishi ulym da aıǵaılaı bastady. Shamasy, ulymnyń aıǵaılaǵany kúıeýimdi toqtatty ma, ol úıge ketip qaldy. Ulym ekeýmiz kórshilerimizge qashyp kettik. Sol jerden polıııa shaqyrdyq.
Men kelgen polıııaǵa pıjamamen, jalańaıaq, aqsańdap shyqtym. Osy ýaqytta olar kóshede kúıeýimmen sóılesip turdy. Olar menen aıaq kıim kııýimdi surady. Men olardyń ármen qaraıǵy is-áreketi qandaı bolatynyn surap, kúıeýimniń ústinen aryz jazǵym keletinin aıttym. Osydan keıin ǵana olar bólimshege baramyz dep jaýap berdi. Men kıimimdi aýystyryp, syrtqa shyqtym”, dep jazdy ol.
Sondaı-aq, Shynar polıeılerdi ekeýin qosqysy kelip, iske beı-jaı qaraǵanyn aıtady.
«Kúıeýim maǵan toqtaıtyn kez kelgenin aıtyp, "jalǵastyrǵyń kele me?" dep surady. Men "ıá, aryz jazǵym keledi" dedim. Polıeı maǵan aýdandyq ishki ister bólimine barǵansha úndemeýimdi surap, kólikke otyrǵyzdy. Men kúıeýimniń qasynda otyrýdan bas tarttym. Osydan keıin olar maǵan aldyńǵy oryndyqqa otyrýdy usyndy.
Men polıeıden kúıeýim menen úıde tartyp alǵan uıaly telefonymdy qashan beretinin suradym. Polıeı maǵan "bólimshede sheshemiz" dep jaýap qatty. Negizi uıaly telefon kúıeýimniń qolynda edi.
Jolda kúıeýim meni áńgimege tartty, men úndemeı otyra berdim, al polıeı oǵan eskertý jasaǵan joq. Biraq buǵan deıin menen úndemeýdi suraǵan bolatyn. Men polıeıdiń nege kúıeýime eskertý jasamaıtynyn suramaıynsha, ol da úndemeı otyra berdi. Bólimshege barǵannan keıin olar maǵan kúıeýimmen birge kameraǵa kirýdi buıyrdy. Men bas tartyp, onymen bir jerge otyrmaıtynymdy aıttym. Osydan keıin ǵana olar bizdi ártúrli bólmege otyrǵyzdy.
Men aryz jazdym da, polıeılerden olardyń endi ne isteıtinin suradym. Olar maǵan istiń mán-jaıyn túsindirýge qaqylary joq ekenin aıtyp, eshnárseni ashyp aıtpady. Maǵan bárin keıin habarlasatyn ýchaskelik polıııa qyzmetkeri túsindiretinin aıtty. Kúıeýimdi 3 saǵat qana bólimshede ustap, keıin jiberdi. Kelesi kúni kúıeýim ata-anasymen birge keldi, men olardy kirgizbedim.
Men óz emoııamdy sıpattaı almaımyn. Muny tek turmystyq zorlyq-zombylyq kórgen áıel túsinedi. Eger ekeýmiz bir jerde qalatyn bolsaq, ol meni óltirip qoıady”, - dep jazdy áıel.
Ýchaskelik polıeı 4 kúnnen keıin tek jeksenbi kúni qońyraý shalyp, oǵan kele jatqanyn aıtqan.
«Maǵan 30 kún ishinde kúıeýim ekeýmiz bir-birimizge qońyraý shalýǵa, jazýǵa, sóılesýge tyıym salynatyny týraly qaǵazǵa qol qoıýǵa berdi. Al 30 kúnnen keıin kúıeýim úıge qaıtyp keledi, al men buǵan kedergi bola almaımyn. Al kedergi bolýǵa tyrysatyn bolsam, meni jaýapkershilikke tartady, tipti aıyppul tóleımin. Men polıııa qyzmetkerlerin kúıeýim meni qaıtadan qorqytsa nemese qol kóterse ǵana shaqyra alamyn, biraq shaqyrý úshin meniń qolymda foto nemese vıdeo túrinde dálel bolýy shart. Áıtpese jalǵan qońyraý úshin men aıyppul tóleımin.
Sóıtip polıeı maǵan medıınalyq kýálandyrýǵa joldama berdi. Ol úshin men mórdi qalanyń bir shetinen qoıǵyzyp, kýálandyrý úshin qalanyń ekinshi shetine barýym kerek. Sondaı-aq, ol meniń isti qanshalyq sotqa deıin jetkizgim keletinin surady da, bul balalarǵa áser etetinin, bolashaqta olardyń jumysqa ornalasýyna kedergi keltiretinin, derekterinde ákesi sottalǵany jazylyp turatynyn aıtty.
Sonymen qatar, polıeı kúıeýimniń burynǵy qyzmetker ekenine nazar aýdardy. Meniń munyń bárimen qanshalyq baılanysqym keletinin surady. Sodan keıin ol kúıeýimdi shaqyryp, ózine qarýdy tapsyrýyn surady. Kúıeýim IIM-niń burynǵy qyzmetkeri bolǵan ákesimen birge keldi.
Qorytyndyny ózińiz jasańyz. Áıel quqyǵy shynymen qorǵalǵan ba? Áıelderge birjaqty kózqaras bar ma? Áıel ózin qorǵaı ala ma?
Meniń josparym bar. Men ony bólise alamyn.
Al sýrettegi men, sýretten meniń aıaǵymnyń synǵanyn kórýge bolady. Bul kezde aıaǵymdy kúıeýim syndyrǵan bolatyn. Sýrette men kúlip turmyn, alaıda eshkim aıaǵymnyń nelikten synǵanyn bilmeıdi. Men eshkimge aıtqan joqpyn. Nege kúlip turmyn? Áıel árqashan jaqsy kóńil-kúıde bolýy kerek, urys shyǵarmaı, bárin ishinde ustaýy kerek", - dedi áıel.
