Prezıdent Qasym-Jomart Toqaev Ortalyq Azııa elderi qaýipsizdik keńesteriniń hatshylaryn qabyldady. Bul týraly Aqorda málimdedi, dep habarlaıdy ”Adyrna” ulttyq portaly.
Memleket basshysy kezdesý kezinde memleketaralyq saıası dıalog ta múlde jańa deńgeıge kóterilip kele jatqanyn aıtqan. Mysaly, sońǵy bes jylda óńirishilik saýda-sattyq kórsetkishi 80 paıyzdan astam artyp, 10 mıllıard dollardan asqan.
Qabyldaý kezinde Qasym-Jomart Toqaev zamanaýı syn-qaterlerdiń kóbi transshekaralyq sıpatqa ıe ekenin aıtty. Sondyqtan olarǵa qarsy turý úshin kúsh-jiger biriktirý qajet.
«Bul jerde, eń áýeli, halyqaralyq ekstremızm men terrorızmge, esirtki tasymalyna, qarý-jaraq saýdasyna qarsy kúres týraly sóz bolyp otyr. Osy oraıda Aýǵanstanǵa basa mán berýimiz kerek. Bul elde kúrdeli ári túrli baǵyttaǵy proester júrip jatyr. Onda belgili bir deńgeıde turaqtaný, ekonomıkalyq jaǵdaıdyń jandaný belgileri bar ekenin moıyndaý qajet. Ekinshi jaǵynan, halyqaralyq terrorıstik uıymdardyń belsendiligine baılanysty qaýip-qaterdiń joǵary deńgeıi saqtalyp otyr. Buǵan Máskeý oblysynda jurtty qanǵa bóktirgen lańkestik áreket dálel bola alady. Bizdiń oıymyzsha, Aýǵanstandy óńirlik baılanystarǵa belsendi tartý – dál qazirgi kezdegi strategııalyq mindetterdiń biri. Munda kóp nárse bizdiń elderimizdiń úılesimdi ustanymyna baılanysty. Qazaqstanda Ortalyq Azııa men Aýǵanstan úshin BUU-nyń Ornyqty damý jónindegi aımaqtyq ortalyǵyn ashý ózekti másele dep sanaımyz», – dedi Qasym-Jomart Toqaev.
