Pavlodar oblysynda ońtústik aımaqtardan soltústiktegi halqy az eldi mekenderge qonystandyrýǵa bólingen bıýdjettik qarajat urlanǵan, dep habarlaıdy "Adyrna" ulttyq portaly.
Oblysta halyq kóship ketkendikten 59 eldi meken joıylǵany anyqtaldy.
Is júzinde qaraýsyz qalǵan úıler 500 myń teńgeden bastap satyp alynǵan. «Qýatty óńirler - el damýynyń draıveri» Ulttyq jobasyn iske asyrý aıasynda bıýdjet qarajatyn ıemdenýdiń tutas shemasy jasalǵan.
Al joba aıasynda úı satyp alý úshin baǵasynyń 50%-y óteledi, biraq beriletin qarjy 4,2 mıllıon teńgeden aspaýy kerek ekendigi kórsetilgen. Shyǵynnyń jartysyn alý úshin úılerdiń qunyn 8 mıllıon teńgege deıin jasandy túrde kótergen.
Baǵdarlama aıasynda qonys aýdarý tek qaǵaz júzinde ǵana oryndalǵan. Oblysqa bólingen 3 jarym mlrd teńgeniń 600 mln. teńgesi jymqyrylǵany anyqtalǵan.
Prokýratýra tekserý materıaldaryn Qazaqstan Respýblıkasy Qylmystyq kodeksiniń 190-baby 4-bóligi boıynsha sotqa deıingi tergep-tekserýlerdiń biryńǵaı tizilimine tirkedi, tergeý amaldaryn arnaıy prokýror júrgizýde.
"Tekserý jalǵasýda", - delingen Pavlodar oblysynyń prokýratýrasynyń habarlamasynda.
