Ekibastuzda tótenshe jaǵdaı jarııalandy, dep habarlaıdy "Adyrna" ulttyq portaly.
Ekibastuz qalasynyń ákimi Aıan Beısekın aımaqtaǵy kommýnaldyq jelilerdiń 90 paıyzdan astamy tozyp turǵanyn málimdedi. Ásirese káriz júıesindegi kollektor jedel jóndeýden ótýi qajet. Sol sebepti 14 mamyrdan bastap tehnogendik sıpattaǵy tótenshe jaǵdaı jarııalaý týraly sheshim qabyldandy.
"Ekibastuz qalasy ákiminiń orynbasary Erjan Salhanov tehnogendik sıpattaǵy tótenshe jaǵdaılardy joıý basqarmasynyń basshysy bolyp taǵaıyndalyp, oǵan tótenshe jaǵdaıdy joıýǵa baǵyttalǵan is-sharalardy júrgizý tapsyrylsyn", – delingen ákim qaýlysynda.
