Qazaqstannyń Birikken Arab Ámirlikterindegi (BAÁ) elshiliginiń keńesshisi Sáken Mamashtyń áıeli Karına Mamash Astanadaǵy «Qorǵaý» daǵdarys ortalyǵyna ornalasty. Bul týraly «Qorǵaý» daǵdarys ortalyǵy málimdedi, dep habarlaıdy “Adyrna” ulttyq portaly.
«Karınany áýejaıda onyń jaqyn dostary kútip aldy, biraq kúıeýiniń týystary da keldi. Balalary úshin qoryqqan ol daǵdarys ortalyǵyna júgingen. Qazirgi ýaqytta ol ápkesi jáne balalarymen birge Daǵdarys ortalyǵynda ornalasqan, psıholog pen zańgerdiń kómegi men qyzmetin alýda», - dep habarlady «Qorǵaý» daǵdarys ortalyǵynan.
Aıta keteıik, «Qorǵaý» daǵdarys ortalyǵy – zorlyq-zombylyq kórgen áıelder men balalarǵa arnalǵan baspana. Onda olar tegin psıhologııalyq jáne zańgerlik kómek ala alady.
Buǵan deıin Karına Mamash áleýmettik jelide elshi kúıeýi ony 10 jyl boıy urǵanyn málimdegen bolatyn. 5 mamyrda úlken ápkesimen birge soqqyǵa jyǵylǵan.
Keıin Syrtqy ister mınıstrligi Sáken Mamashty Qazaqstanǵa shuǵyl shaqyrtyp alǵanyn habarladyq.
