Qazaqstannan qant eksportyna tyıym salý týraly sheshim qabyldandy, dep habarlaıdy "Adyrna" ulttyq portaly.
Úkimet EAEO-ǵa qatysýshy elderge qant eksportyna 2024 jyldyń 31 tamyzyna deıin ýaqytsha tyıym salýdy engizý týraly sheshim qabyldanǵanyn habarlady. Tyıym jaz sońyna deıin, elde qant qyzylshasynyń jańa ónimi piskenshe kúshinde bolatyny anyqtalyp otyr.
6 mamyr kúni vıe-premer Serik Jumanǵarınniń tóraǵalyǵymen ótken otyrysta qant qyzylshasynyń jańa ónimi jınalǵanǵa deıin ishki naryqty qantpen qamtamasyz etý máseleleri qaraldy.
"Búginde qoımalardaǵy qant pen shıki quraq qory 136 myń tonna. 2024 jyldyń 31 tamyzyna deıin kvotamen reseılik qanttyń 120 myń tonna kólemindegi ımportyn qosqanda, bul shamamen 256 myń tonnaǵa deıin jetedi", — dedi aýyl sharýashylyǵy vıe-mınıstri Erbol Tasjúrekov.
Sondaı-aq, Qazaqstanda 2024 jyldyń sońyna deıin óńdeýge arnalǵan 300 myń tonna shıki quraqty bajsyz ákelýge kvota bar ekeni de aıtyldy.
"Orta eseppen aılyq tutyný jazda 46 myń tonna, suranys 60 myń tonnaǵa jetedi. Qoldanystaǵy qant qory jańa ónimge deıin qantqa degen suranysty óteýge jetkilikti", - dep túıindedi vıe-mınıstr.
