AQSh azamaty ata-anasynyń 80 jyl burynǵy qujattaryn Qazaqstannan taýyp aldy. Bul týraly Polisia.kz saıty jarııalady, dep habarlaıdy “Adyrna” ulttyq portaly.
AQSh azamatyna týystary týraly aqparatty izdeýge polıııa kómektesken.
«Amerıkalyq Djeff Shaıngold Qyzylorda oblysynyń polıııa departamentine ákesi týraly málimet surap júgindi. Onyń ákesi – ulty evreı, Tereńózek aýdanynda turǵan (qazirgi Syrdarııa) jáne 1943 jyly qýǵyn-súrgin kezinde qamaýǵa alynǵan. Polıııa muraǵatynda ulynyń ótinishi boıynsha jan-jaqty izdeý jumystary júrgizildi”, delingen aqparatta.
Foto: polisia.kz
Djeff Shaıngoldtyń aıtýynsha, qujattardy izdeý barysynda ata-anasy týraly birshama maǵlumat alǵan.
"2022 jyly ata-anamnyń 1942 jyly Qazaqstanda Uly Otan soǵysy kezinde turǵanyn bildim. Olar Polshadan naısterden qashqan. Bizde sot hattamasynan basqa málimetter bolǵan joq. Izdeý nátıjesinde muraǵatta 80 jylǵa jýyq saqtalǵan qujattar tabyldy. Olar meniń ata-anam men №6 aýylda jerlengen aǵama qatysty qujattar. Polıeılerdiń arqasynda biz olardyń 1942 jyldan 1946 jylǵa deıin ómirlerinen birshama maǵlumat aldyq", – deıdi Djeff Shaıngold.
Qazaqstanǵa kelgen sheteldik erli-zaıypty ata-anasy ǵumyr keshken qazaq jerine jáne aǵasy jerlengen zıratqa baryp, taǵzym etti. Olar ata-anasynyń qymbat beınesin jadynda saqtaý úshin estelikterimen bólisti.
Aıta ketsek, oblystyq polıııa departamentiniń muraǵatynda 30 myńnan astam qujat saqtalǵan. Bul qujattar týystarynyń taǵdyry týraly málimet izdegen júz myńdaǵan adamdarǵa, sonymen qatar tarıhı aqparatty tolyǵymen qalpyna keltirý úshin ǵalymdar, jýrnalıster men tarıhshylar úshin óte mańyzdy.
