Qaraǵandydaǵy Kostenko shahtasynda 4 konveıer shtregi tútindep, 187 kenshi shahtadan jer betine shyǵaryldy, dep habarlaıdy «Adyrna» tilshisi Tótenshe jaǵdaılar mınıstrligine silteme jasap.
«Jasandy dene tómengi tósemniń rolıgine túsip, onyń jumysyn buǵattaǵan. Bul konveıer taspasynda tútinniń shyǵýyna sebep boldy»,—dep jazdy mınıstrliktiń baspasóz qyzmeti.
TJM konveıerlik trassalar ýchaskesiniń elektr slesari Aıbar Qosanovtyń alǵashqy órt sóndirý quraldaryn paıdalana otyryp, tútindi joıǵanyn aıtty.
Kenshi oqıǵa týraly habarlap jatqanda shahtanyń basqarý bólmesinde tútin sıgnalızaııasy iske qosylǵan.
«Saǵat 19:45–te sıgnalızaııaǵa baılanysty tútin sóndirilgenine qaramastan evakýaııa jospary boıynsha shahtadaǵy 194 kenshini syrtqa shyǵarý jóninde sheshim qabyldanǵan.
Saǵat 21:47-degi jaǵdaı boıynsha 187 kenshi jer betine shyǵaryldy, ýchaske basshylary men baqylaýshylar qatarynan 7 qyzmetker oqıǵany baqylaý jáne shahtanyń tirshiligin qamtamasyz etý úshin sol jerde qaldy. Kenshiler arasynda zardap shekkender joq»,—delingen habarlamada.
Eske sala keteıik, ótken jyldyń 28 qazanynda Qaraǵandydaǵy Kostenko atyndaǵy shahtada apat bolyp, 46 kenshi qaza tapqan edi. Apat kezinde shahtada 252 adam bolǵan. Onyń 205-i jer betine shyǵaryldy.
