Tájikstan 1 mamyrdan bastap elge 30 kúnge deıin vızasyz kire alatyn 25 eldiń tizimin jarııalady, dep habarlaıdy "Adyrna" ulttyq portaly Tájikstan Syrtqy ister mınıstrliginiń baspasóz qyzmetine siltep.
Atalmysh elder qataryna:
"Andorra, Bagam araldary, Bosnııa jáne Geregovına, Brazılııa, Bolgarııa, Kosta-Rıka, Kıpr, Irlandııa, Malta, Marshall araldary, Meksıka, Mońǵolııa, Chernogorııa, Oman Sultandyǵy, Rýmynııa, Sent-Kıts jáne Nevıs, Sent-Lıýsııa, San-Marıno, Serbııa, Slovakııa, Slovenııa, Solomon araldary, Sent-Vınsent jáne Grenadın araldary, Vatıkan, Palestına (dıplomatııalyq jáne qyzmettik/arnaıy tólqujattar úshin) " delingen habarlamada.
55 jasqa tolǵan 16 eldiń azamattary Tájikstanǵa 14 kúnge deıin vızasyz kire alady:
"Albanııa, Aljır, Barbados, Vanýatý, Vetnam, Domınıka, Qytaı, Laos, Lıvan, Madagaskar, Marokko, Nıkaragýa, Panama, Soltústik Makedonııa, Týnıs, Fıdjı" dep jazyldy tizimde.
Taǵy 14 eldiń azamattary Tájikstanǵa jeńildetilgen tártippen vıza ala alady. Bul tizimge Irak, Palestına, Sırııa, Marshall araldary, Solomon araldary, Vanýatý, Sýdan, Madagaskar, Palestına, Gaıtı, Ýganda, Rýanda, Nıgerııa jáne Efıopııa kiredi.
«Tizimge engizilgen elderdiń azamattary Tájikstan Respýblıkasyna 14 nemese 30 kúnnen astam merzimge jumys, oqý, turaqty turý nemese basqa da týrıstik emes maqsattar úshin keletinin eskerý qajet», - delingen Tájikstan Syrtqy ister mınıstrligi málimdemesinde.
