Memleket basshysy Qasym-Jomart Toqaev Almatyda ótetin Ázerbaıjan men Armenııa arasyndaǵy kelissóz týraly aıtty, dep habarlaıdy “Adyrna” ulttyq portaly.
Prezıdent Ázerbaıjan men Armenııa arasyndaǵy kelissózdiń Almatyda ótýinde sımvoldyq mán baryn tilge tıek etti:
“Qazaqstan tarapynyń usynysy boıynsha Ázerbaıjan men Armenııa arasyndaǵy beıbit kelisimge daıyndyq júrgizý maqsatynda eki eldiń syrtqy ister mınıstrleriniń kelissózin ótkizý týraly ózara kelisimge kelgenin quptaımyn. Bul mańyzdy sharanyń Almatyda uıymdastyrylýynyń sımvoldyq máni bar. Óıtkeni 1991 jyly jeltoqsan aıynda TMD elderiniń táýelsiz damýyna negiz qalaǵan jáne memleketaralyq shekarany anyqtaý qaǵıdalaryn bekitken tarıhı qujatqa – Almaty deklaraııasyna qol qoıylǵan edi”, – dedi Toqaev.
Toqaevtyń aıtýynsha, eki el arasyndaǵy kezdesý ázerbaıjan-armıan ýaǵdalastyǵynyń naqty júzege asýyna jol ashady. Jýyq arada Ońtústik Kavkazda turaqty ári uzaqmerzimdi beıbitshiliktiń ornaýyna yqpal etedi deıdi.
Eske sala keteıik, buǵan deıin Ázerbaıjan men Armenııanyń syrtqy ister mınıstrleri beıbit kelisim boıynsha kelissózderdi jalǵastyrý úshin Almatyda kezdesetini týraly jazǵan edik.
