30 sáýir kúni Reseı tarapynyń ótinishimen Tájikstan syrtqy ister mınıstri Sırojıddın Mýhrıddın reseılik áriptesi Sergeı Lavrovpen telefon arqyly sóılesip, Máskeýdegi Tájikstan azamattaryn tekserý jaıyn talqylady, dep habarlaıdy “Adyrna” ulttyq portaly Tájikstan syrtqy ister mınıstrligine siltep.
Málimetke qaraǵanda, syrtqy ister vedomstvolarynyń basshylary Reseı bıliginiń qatań sharalary nátıjesinde Reseı aýmaǵynda ornalasqan Tájikstan azamattarynyń qıyn jaǵdaıǵa tap bolǵanyn talqylady.
Reseı syrtqy ister mınıstri Sergeı Lavrov bul máselege baılanysty tájik tarapynyń reakııasyn túsinetinin aıtty.
Mınıstr Mýhrıddın Tájikstan azamattaryna mundaı teris kózqaras pen olardyń quqyqtary men bostandyqtarynyń jappaı buzylýy ekijaqty qarym-qatynas qaǵıdattaryna sáıkes kelmeıtinin basa aıtty. Osy turǵyda áńgimelesýshiniń nazary reseılik taraptyń negizgi ekijaqty jáne kópjaqty quqyqtyq aktilerdiń, atap aıtqanda Tájikstan Respýblıkasy men Reseı Federaııasy arasyndaǵy Dostyq, yntymaqtastyq jáne ózara kómek týraly sharttyń erejelerin saqtaý qajettiligine aýdaryldy.
Lavrovtyń «qabyldanǵan sharalar belgili bir ultqa nemese dinge qarsy emes» degen málimdemesi aıasynda Mýhrıddın bul tezıs naqty jaǵdaımen úılespeıtinin jáne keleńsiz áreketter tek Tájikstan azamattaryna qatysty ekenin atap ótti.
Áńgimelesýshiler taraptardyń strategııalyq seriktestik pen odaqtastyq qaǵıdattaryna adaldyǵyn saqtaý qajettigi týraly biraýyzdan pikir bildirdi.
Osy málimetti Reseı jaǵy bylaı habarlady. Reseı syrtqy ister mınıstrliginiń habarlaýynsha, «Tájikstan tarapyna Reseı Federaııasynyń zańnamasyna sáıkes lańkestiktiń aldyn alý boıynsha reseılik qyzmetterdiń qabyldap jatqan sharalary týraly qosymsha tolyq túsindirmeler berilgen».
Lavrov Reseıge kelgen shetel azamattaryn muqııat tekserýdiń basty sebebi 22 naýryzda Máskeý túbindegi Crocus City Hall konert zalynda bolǵan terakt isi ekenin atap ótti. Mınıstr qabyldanyp jatqan sharalardyń ýaqytsha ekenine erekshe toqtalyp, olardyń belgili bir ultqa nemese dinge qarsy emestigin aıtty. Baqylaý beketterindegi jaǵdaı birtindep qalypqa kelýde.
«Taraptar Reseı-Tájikstan arasyndaǵy túsinispeýshilikten keıin strategııalyq seriktestik pen odaqtastyq qarym-qatynastaryn syılaý, olardyń oń dınamıkasyn saqtaý jáne nyǵaıtý qajettiligi týraly biraýyzdan pikir bildirdi», - dep habarlady Reseı syrtqy ister mınıstrligi.
Tájikstan syrtqy ister mınıstrliginiń habarlaýynsha, sońǵy ýaqytta júzdegen tájik azamaty baqylaý-ótkizý beketteri men Máskeý áýejaılarynda turyp qalyp, Reseı aýmaǵyna kirgizilmeı jatyr. Olardyń keıbiri birneshe saǵat kútkennen keıin ótip ketip jatsa, al basqalary jer aýdaryp ketýde.
Eske sala keteıik, buǵan deıin Tájikstannyń syrtqy ister mınıstrligi Reseıdiń respýblıkadaǵy elshisin shaqyrtyp, Reseı aýmaǵynda Tájikstan azamattarynyń quqyqtarynyń buzylýyna baılanysty narazylyq notasy tabys etilgenin jazǵan bolatynbyz.
