Barbastaý-Aqjaıyq-Inder baǵytyndaǵy jol qurylysy aıaqtalady, dep habarlaıdy "Adyrna" ulttyq portaly.
Ol týraly Batys Qazaqstan oblysynyń jolaýshylar kóligi jáne avtomobıl joldary basqarmasynyń basshysy Baýyrjan Aıtmaǵambetov málimdedi. Aıta keteıik oblystyq mańyzy bar Barbastaý-Aqjaıyq-Inder jolynyń 43-93 shaqyrymy ıaǵnı jalpy uzyndyǵy 50 km avtomobıl jolyn qaıta jańǵyrtý jumystary bıyl aıaqtalady.
"Jobany iske asyrý merzimi – 2021-2024 jyldar. Búgingi kúnge deıin 43,4 shaqyrym jol tóselip, jumystyń 85%-y oryndaldy. Atalǵan nysandy aıaqtaý úshin bıyl jergilikti bıýdjetten 3,2 mlrd.teńge qarjy bólindi. Qazirgi kezde jumystardy jalǵastyrý úshin daıyndyq jumystary júrgizilýde",–dedi Baýyrjan Aıtmaǵambetov.
Sonymen qatar Batys Qazaqstan oblysynyń jolaýshylar kóligi jáne avtomobıl joldary basqarmasynyń basshysy bıyl Barbastaý-Aqjaıyq-Inder avtomobıl jolynyń 93-145 shaqyrymyn kúrdeli jóndeý jumystary bastalatynyn atap ótti. Qazirgi tańda merdigerdi anyqtaý rásimi aıaqtaldy. Joǵaryda atalǵa tas joldy "Uniserv" JShS jóndeıtin bolady.
