Dál 79 jyl buryn dál osy kúni Raqymjan Qoshqarbaev pen Grıgorıı Býlatov Reıhstagqa tý tikti, dep habarlaıdy "Adyrna" ulttyq portaly.
Reseıdiń Áskerı tarıh ınstıtýty 1-i Belarýs maıdanyndaǵy 150-i atqyshtar dıvızııasynyń leıtenanty Raqymjan Qoshqarbaevtyń 1945 jyldyń 30 sáýirinde Reıhstagqa tý tikkeni týraly tarıhı oqıǵa birneshe jyl boıy rastalmaǵan. Tek 2007 jyldyń 7 mamyrynda Reıhstagqa tý tikken qazaq batyry ekeni resmı túrde rastaldy. Bul Ekinshi dúnıejúzilik soǵysta Germanııa parlamenti Reıhstagqa tý tigý fashıstik gıtlerlik nemis úkimetiniń tize búgýin álemge pash etken oqıǵa boldy.
Áıgili batyr Raqymjan Qoshqarbaev Aqmola oblysynyń elınograd aýdanynda týǵan. Ol 1942 jyly áskerge alynǵan. Derekterge qaraǵanda, 1944 jyly qazan aıynan bastap 1-Belarýs maıdanyndaǵy Idrık atqyshtar dıvızııasy quramynda 150-shi vzvod basqaryp, Polsha jáne Germanııa jerlerindegi urystarǵa qatysyp, kózge túsken.
1945 jyly 30 sáýirde leıtenant Raqymjan Qoshqarbaev jaýynger Grıgorıı Býlatov ekeýi Sovet áskeri arasynan Berlındegi Reıhstagqa birinshi bolyp Jeńis týyn tikti.
Qazaq batyrynyń erligin alǵash bolyp álemge áıgilep jazǵan memleket qaıratkeri, jazýshy Kákimjan Qazybaev bolǵan.
