Almaty qalalyq Óńirlik kommýnıkaııalar qyzmetiniń brıfınginde «Sapaly ónim» tutynýshylardyń quqyqtaryn qorǵaý boıynsha áleýmettik joba alyp megapolıste qalaı júzege asatyny túsindirildi.
QR saýda jáne ıntegraııa mınıstrligi Saýda jáne tutynýshylardyń quqyqtaryn qorǵaý departamenti basshysynyń Almaty qalasy boıynsha orynbasary Nurlan Abdıevtiń aıtýynsha, joba tutynýshylardy kontrafaktilikten, qaýipti jáne sapasyz ónimderden qorǵaýy kerek.
2023 jyly Departamentpen E-Otinish, ESDGO, E-Tutynushy jáne telegram-bot elektrondy júıeleri arqyly túsken 8 myńnan astam azamattardyń ótinishteri qaraldy. Shaǵymdardyń kóp bóligi elektrondy kommerııa, bólshek saýda jáne sapasyz medıınalyq qyzmet kórsetý salasy boıynsha kelip tústi. Ol ótken jyldyń sońynda tutynýshylardyń, ishki naryqtyń jáne otandyq óndirýshilerdiń quqyqtaryn qorǵaýǵa baǵyttalǵan «Sapaly ónim» áleýmettik jobasyn iske asyrý jónindegi jol kartasy bekitilgenin eske saldy.
«Jobanyń negizgi mindeti- tutynýshylardyń quqyqtaryn qorǵaý jónindegi úkimettik emes sektordy, jergilikti atqarýshy jáne ókildi organdar ókilderin, sondaı - aq kásipkerlik qoǵamdastyqty otandyq óndirýshiler men tutynýshylardy ishki naryqtaǵy sapasyz sheteldik ónimderden qorǵaýdy qamtamasyz etý jónindegi jalpyulttyq múddelerdi iske asyrýǵa tartý, sondaı-aq aqylǵa qonymdy básekelestikti damytý úshin jaǵdaılar jasaý bolyp tabylady», - dedi Nurlan Abdıev.
Qazirgi ýaqytta «Sapaly ónim» qoǵamdyq áleýmettik jobasyn iske asyrý boıynsha josparly jumys júrgizilýde. Qoǵamdyq birlestikterdiń ókilderi «Sapaly ónim» tujyrymdamasy sheńberinde saýda oryndarynda sapasyz tamaq ónimderin anyqtaý maqsatynda únemi monıtorıng júrgizedi.
Spıker, qoǵamdyq uıymdar Ulttyq saraptama ortalyǵynyń ókilderimen birlesip ımporttyq sút ónimderin, et ónimderin, shujyq ónimderin iriktep, saraptamaǵa usynǵanyn atap ótti. Olardyń ishinde birqatar ónimderde tamaq ónimderiniń qaýipsizdigi týraly normatıvterdiń buzylýy anyqtaldy. Atap aıtqanda, biz ónimniń sanıtarlyq-epıdemıologııalyq talaptarǵa, málimdelgen sıpattamalar men quramyna, sondaı-aq tańbalaý talaptaryna sáıkes kelmeýi (memlekettik tilde aqparattyń bolmaýy, maı-qyshqyl quramynyń sáıkes kelmeýi, bakterııalardyń tabylýy) sııaqty buzýshylyqtar týraly aıtyp otyrmyz.
«Sapaly ónim» jobasyn iske asyrý tutynýshylardyń quqyqtaryn qorǵaý jónindegi qoǵamdyq uıymdardyń qoǵamdyq baqylaý quraly arqyly júzege asyrylady. Nátıjesinde atalǵan joba tanyla túsip, otandyq brend retinde tutynylýy tıis», - dep túsindirdi Nurlan Abdıev.
Aıta keteıik, jol kartasy arqyly mynadaı jumystardy júrgizý qarastyrylýda:
- sapaly otandyq ónimniń ımıdjin jáne tanylýyn qalyptastyrý maqsatynda «Sapaly ónim» halyqtyq sapa belgisin bekitý.
- buqaralyq aqparat quraldarynda ulttyq jobanyń nátıjeleri men iske asyrylý barysy týraly halyqty keńinen habardar etý.
Sondaı-aq, QR saýda jáne ıntegraııa mınıstrliginiń Saýda jáne tutynýshylardyń quqyqtaryn qorǵaý Departamenti Almaty qalasy boıynsha turaqty negizde qoǵamdyq uıymdarmen birlesip sapasyz tamaq ónimderin anyqtaý boıynsha jumystar júrgizilip jatqanyn aıtty.
