Qazaqstanda jalǵan aqparat taratqandarǵa arnaıy qylmystyq norma men ákimshilik jaýapkershilik qarastyrylǵan, dep habarlaıdy “Adyrna” portaly. Bul týraly Tengri Life-qa Nadejda Geldt aıtyp berdi.
Feık aqparat (jalǵan) – azamattardyń nemese uıymdardyń quqyqtary men zańdy múddesine, sondaı-aq qoǵamnyń nemese memlekettiń zańmen qorǵalatyn múddesine eleýli zııan keltiretin, qoǵamdyq tártipti buzý qaýpin týdyratyn kórineý jalǵan aqparat.
"QR Qylmystyq kodeksiniń 274-babyna sáıkes kórineý jalǵan aqparat taratý 1000 AEK-ke (3,6 mıllıon – esk.) deıingi mólsherde aıyppul salýdy qarastyrady nemese 400 saǵatqa deıin qoǵamdyq jumystarǵa tartý nemese 1 jylǵa deıin bas bostandyǵynan aıyrý", – dep bólisti zańger.
Eger feık buqaralyq aqparat quraldary, telekommýnıkaııa jelileri jáne onlaın platformalar, ıaǵnı áleýmettik jelilerdi paıdalana otyryp taralsa, onda jaza mynany kózdeıdi:
- 3 000 AEK-ke deıin aıyppul (11 mıllıon teńgege deıin – red. esk.);
- sondaı-aq, 3 jylǵa deıin bas bostandyǵynan aıyrý nemese shekteý.
Maman tótenshe jaǵdaı kezinde, urys jaǵdaıynda, soǵys ýaqytynda nemese buqaralyq is-sharalar kezinde jalǵan aqparat taratqany úshin 3 jyldan 7 jylǵa deıin bas bostandyǵynan aıyrylýy múmkin ekenin eskertedi.
Aıyppul kólemi QR zańnamasyna sáıkes qabyldanǵan:
"Sot istiń barlyq mán-jaıyn eskere otyryp, Qazaqstan Respýblıkasy Qylmystyq kodeksiniń 274-babyna sáıkes jaza taǵaıyndalady, bul ne aıyppul, ne túzeý, ne qoǵamdyq jumystar, ne shekteý nemese bas bostandyǵynan aıyrý jazasy bolýy múmkin.
Sondaı-aq, buqaralyq aqparat quraldarynda, aqparat ıesiniń ınternet-resýrsynda, ashyq derekter ınternet-portalynda nemese Qazaqstan Respýblıkasynyń zańnamasynda kózdelgen ózge de tásildermen jalǵan málimetterdi ornalastyrǵany jáne taratqany úshin ákimshilik jaýapkershilik kózdelgen", - deıdi "Pravo znat" telegram-arnasy avtory.