Jambyl oblysynyń ákimi Erbol Qarashókeev Tarazda ótken «KazAgroZhambyl-2024» halyqaralyq aýyl sharýashylyǵy forýmynda birqatar elderdiń isker toptarynyń ókilderimen kezdesýler ótkizdi. Aımaq basshysy olarmen birge ınvestıııalyq baılanystardy jolǵa qoıý, ózara tıimdi yntymaqtastyqty nyǵaıtý máselelerin talqylady.
Sonymen, «Shouguang Agricultural Development Group Limited» kompanııasy óńirimizde 100 gektarǵa deıin aýmaqty quraıtyn iri jylyjaı keshenin salýdy josparlaýda.
Óńirdiń jemis-kókónis salasyn damytý áleýetine «Shandong Shouguang Vegetable Industry Group Co» kompanııasy da qyzyǵýshylyq tanytyp otyr.
Eki iri jylyjaı keshenin iske qosý – óńir úshin elimizge jemis-kókónis ónimderin iri jetkizýshilerdiń biri bolýǵa múmkindik beredi.
Taǵy bir ınvestor – «Kazakh Industrial stroi» JShS 7 mıllıon AQSh dollaryna beton óndiretin zaýyt salady dep kútilýde. Qazirgi tańda serikteste óndirilgen beton tósemi sýarý kanaldaryn salý men qaıta jańǵyrtýda sátti qoldanylýda. Bul - sý arnalarynyń qyzmet etý merzimin uzartýǵa jáne sýdyń joǵalýyn edáýir azaıtýǵa múmkindik beredi.
Tamshylatyp sýarý júıelerin shyǵaratyn zaýyt salý - iri jobalardyń qatarynda. Jambyl oblysynyń «KAZ Kaspıı GIDRO aýyl sharýashylyǵy tehnologııasy» kompanııasy bul jobaǵa 6 mıllıon AQSh dollary kóleminde ınvestıııa salýǵa nıet bildirdi. Bul - aımaqta qarqyndy sýarý júıelerin belsendi paıdalanýǵa múmkindik beredi.
Sondaı-aq bul kúni Erbol Qarashókeev ırrıgaııalyq jabdyqtar, agrodrondar, plastık jáne kókónis ónimderin óndirýmen aınalysatyn birqatar kompanııalardyń basshylarymen kezdesýler ótkizdi.
Ekonomıkalyq yntymaqtastyq elderiniń tuqym sharýashylyǵy qaýymdastyǵynyń ókilderimen áńgimelesý barysynda ónimdiliktiń joǵary deńgeıin qamtamasyz etý maqsatynda tuqym materıalynyń sapasyn jaqsartý máselelerine aıryqsha nazar aýdaryldy.
Halyqaralyq kórmege 70-ten astam iri kompanııa sondaı-aq Qazaqstan, Ózbekstan, Ázirbaıjan, Qyrǵyzstan, Túrkııa aýyl sharýashylyǵy mınıstrlikteriniń jáne Túrki memleketteri uıymynyń (TMU) ókilderi qatysýda.
Forým-kórme óz jumysyn 21 naýryzda da jalǵastyrady. Osy kúni Túrki memleketteri uıymynyń (TMU) aýyl sharýashylyǵy mınıstrleriniń 3-shi keńesi, ECOSA tuqym sharýashylyǵyndaǵy 8-shi Kongresi, Túrki agro-bıznes forýmy jáne B2B formatyndaǵy kezdesýler ótedi.
