«QazAvtoJol» Qyzylorda oblysyndaǵy 40 jyl jóndeý kórmegen respýblıkalyq avtojoldarǵa jańǵyrtý jumystaryn júrgizedi, dep habarlaıdy "Adyrna" tilshisi Kýrsıvke siltep.
"Tas joldyń Qyzylorda oblysyna tıesili telimin qaıta jańartý jumystary alty ýchaskege bólingen. Qazir bes ýchaskede jumys júrip jatyr. Búginde jolshylar 24-127 shaqyrym ýchaskesinde qunarly jer qabatyn alý, aınalma joldardy salý, jabyndy tereń qopsytý jáne qoldanystaǵy jol jabynyn alý jumystaryn júrgizip jatyr. Al 127-216 shaqyrym ýchaskesinde aınalma jolmen kólik qozǵalysyn qamtamasyz etý sharalary qolǵa alyndy. Bul avtojoldaǵy jumystar kezeń-kezeńimen 2022 jyly bastalǵan", – delingen habarlamada.
Qyzylorda oblysyna qarasty avtojol ýchaskesindegi qaıta jańartý jumystary tolyq 2025 jyldyń sońynda aıaqtalady dep josparlanýda.