Aqtóbe qalasynyń № 2 soty shahardaǵy №55 mektep-gımnazııasynyń bas býhgalterine qatysty úkim shyǵardy. Bul týraly Antıkordyń baspasóz qyzmeti aıtty, dep habarlaıdy «Adyrna» tilshisi.
Aldyn alý sharalary sheńberinde sot proesi ashyq rejımde júrgizildi.
Sot proesine onlaın rejımde bilim basqarmasy men bólimderiniń qyzmetkerleri, onyń ishinde Aqtóbe oblysynyń 403 qalalyq jáne aýdandyq mekteptiń dırektorlary, býhgalterleri, pedagogıkalyq quramy qosyldy.
Aqtóbe qalalyq mektebiniń bas býhgalteri asa iri mólsherde bıýdjet qarajatyn jymqyrǵany úshin sottaldy. Ol 8 jyl boıy óziniń banktik shotyna jalaqy retinde zańsyz aýdarymdar jasaǵan, nátıjesinde memleketke 413,8 mln teńge somasynda zalal keltirildi.
Tek bir jyldyń ishinde ol ózine 200 mln teńgeden astam qarajat aýdarǵan, bul búkil mekteptiń jyldyq eńbekaqy qorynyń 30% -yn quraıdy.
Sot úkimimen oǵan 7 jyl bas bostandyǵynan aıyrý jazasy taǵaıyndaldy, sondaı-aq 10 jyl merzimge materıaldyq jaýapty laýazymdardy atqarý quqyǵynan aıyryldy.
Úkim zańdy kúshine engen joq.
