Memleket basshysy Qasym-Jomart Toqaev respýblıkalyq pedagogter sezinde bilim berý mekemelerindegi dindarlyq máselesin qozǵady, dep habarlaıdy «Adyrna» tilshisi Aqordaǵa silteme jasap.
«Men qoǵamda jıi talqylanatyn taǵy bir máselege toqtalǵym keledi. Qazaqstan – Konstıtýııa boıynsha zaıyrly memleket. Bul qaǵıda barlyq jerde, sonyń ishinde bilim berý mekemelerinde qatań saqtalýǵa tıis.
Mektep – eń aldymen, bilim ordasy. Balalar mektepke bilim alý úshin barady. Al dinı ustanym – ár azamattyń jeke máselesi, óz tańdaýy. Elimizde din bostandyǵyna zańmen kepildik berilgen. Balalarymyz eseıip, dúnıetanymy tolyq qalyptasqan soń óz tańdaýyn jasaǵany durys dep sanaımyn. Eń bastysy, kózqarasy aıqyn, sanasy sergek ári dástúrge berik urpaq tárbıeleý kerek»,—dedi ol.
Prezıdenttiń aıtýynsha, zaıyrly sóziniń aýqymy keń.
«Jalpy zaıyrly degen sózdiń mazmuny tereń, óte aýqymdy. Halqymyzǵa qatysty aıtatyn bolsaq, bul – salaýatty ómir saltyn ustaný, pragmatıkalyq kózqarasta bolý jáne dástúrli dinimizge, ulttyq sanany arqaý etken saltymyzǵa shynaıy qurmet degen sóz»,—dep túsindirdi Toqaev.
