20 tamyz kúni úsh oblystaǵy 21 aýyl ákiminiń saılaýy ótedi. 2023 jyldyń sońyna deıin barlyǵy 199 eldi mekende jańadan ákimder saılanady, dep habarlaıdy "Adyrna" saıty. Bul týraly QR memlekettik keńesshisi Erlan Qarın málimdedi.
"13 tamyzda elimizdiń 7 oblysynda 17 aýyldyń ákimi saılandy. Sońǵy eki jylda Prezıdenttiń saıası reformalar baǵdarlamasy aıasynda aýyl ákimderin halyqtyń ózi tikeleı saılaıtyn boldy. Osy ýaqytqa deıin 1 668 aýyl, aýyldyq okrýg, aýdandyq mańyzy bar qala ákimderi saılandy.
Úmitkerlerdiń 75 paıyzyn saıası partııalar usynsa, qalǵan 25 paıyzy ózin-ózi usynýshylar" dep jazdy Erlan Qarın.
Sondaı-aq, ol saılanǵan ákimderdiń jartysynan astamy (57,4%) buryn mundaı qyzmet atqarmaǵanyn, bul aýyl ákimderiniń korpýsy aıtarlyqtaı jańarǵanyn aıtty.
Budan bólek jergilikti ákimderdiń quramy da birshama «jasarǵan». Búginde saılanǵan ákimderdiń ortasha jasy 45 jasty quraıdy.
Aldaǵy jeksenbide, 20 tamyz kúni 3 oblystaǵy 21 aýyl ákiminiń saılaýy ótedi. 2023 jyldyń sońyna deıin barlyǵy 199 eldi mekende jańadan ákimder saılanady.
"Adyrna" ulttyq portaly
