Ózgertý úshin, ózgerý úshin ne isteý kerek? Bul turǵyda psıhologtar sizge qandaı aqyl aıtady? Bilgińiz kele me? Onda sýrettegi alty almanyń bireýine qol sozyńyz.
1-ALMA
Qıyndyqty, baqytsyzdyqty salmaqty qabyldaısyz. Basyńyzdy bult shala qalsa keıbireýler sekildi eńseńiz ıilip ómirden túńilmeısiz. Ómir aldyńyzǵa tosqan tosqaýyldan, synaqtardan ońaı óte alasyz. Aınalańyzdaǵy adamdardyń pikiri siz úshin – bos áńgime. Ózińizdiń «adresińizge» baǵyttalǵan jaǵymsyz pikir men ósek sózdi elemeısiz. Psıholog mamandardyń boljaýynsha, mundaı adamdardy tym aqyldy nemese tym aqylsyz deýge bolady eken.
Psıholog keńesi: «Alma aǵashynan alys túspeıdi. Aıtqan syn shyn bolǵanymen, túzeletinder az. Tym týrashyl bolmańyz. Týrasyn aıtyp, týǵanyńyzǵa da jaqpaısyz Betke aıtatyn tik minezińizdi ózgertińiz».
2-ALMA
Energııasy mol, shydamsyz jansyz. Sizdiń dushpanyńyz – byrsydyrǵylyq, birqalyptylyq. Birine-biri uqsaǵan kúnder jalyqtyrady. Sondaı kúnderdi ózgertkińiz keledi, óıtkeni, qyzyqty oqıǵalar sizge shabyt beredi. Adam ómirge bir-aq ret keledi dep, barlyǵynyń dámin tatyp kórgińiz keledi. Siz úshin bári tájirıbe. Tipti, otbasy qurýǵa da solaı qaraısyz.
Psıhologtyń keńesi: «Alma pisken soń ózi jerge túsedi, kúte bilińiz. Pispeı julyp alǵan soń árıne, bári de siz úshin dámsiz, qyzyqsyz. Ustamdylyqqa, salmaqtylyqqa úırenińiz».
3-ALMA
Aınalańyzdaǵylar sizdi eshkimge uqsamaıtyn erekshe jan dep sanaıdy. Aqyl men keńes suraıdy, qurmetpen jáne qyzyǵýshylyqpen qaraıdy. Naqtyraq aıtqanda, olar úshin siz bilmeıtin nárse joq, danasyz. Shyn máninde bul ózgeni ózińizge tartyp turatyn Tabıǵat syılaǵan magnıttik qasıet ǵana. Áıtkenmen, bul qasıetti damytyp, durys paılana bilseńiz, kózińiz jetkenmen, aıaǵyńyz jetpegen kóp bıikterge shyǵa alasyz.
Psıhologtyń keńesi: «Alma aǵashy jemisti kóp salǵan saıyn butaqtary tómen ıiledi. Qurmetteý basqa da qurmetke laıyq bolý bir basqa. Eshqashan astamshylyq tanytpańyz».
4-ALMA
Az sóılep, kóp tyńdaıtyn óte qyraǵy adamsyz. Aldyńyzda sóılep otyrǵan adamnyń sóziniń ǵana emes, ár qımylynyń astaryna úńilesiz. Ýaqytyńyzdyń kóp bóligin ózińizdi damytýǵa, ómirińizge qajetti kitaptardy oqýǵa arnaısyz. Qarym-qatynasta ustamdy, salmaqtysyz, ynjyqtyq ta joq emes. Tek ózińizge eń jaqyn adamdar ortasynda ǵana ózińizdi erkin sezine alasyz.
Psıhologtyń keńesi: «Oqyǵanyńyz ben biletinińiz kóp bolǵanymen, ony qajetińizge jarata almasańyz, paıdasy joq. Kórsetpeseńiz eshkim kórmeıdi. Ashyq bolyńyz».
5-ALMA
Ómir keremet – bul sizdiń ómirlik devızińiz. Ózgeniń jetistigine shyn kóńilmen qýana alasyz. Tipti, siz jaýǵan jańbyrǵa, kúnge qarap ta qýanyp, ómirden lázzat taba alasyz. Kóńili aq, júregi taza adamsyz. Sizdiń rııasyz kúlkińizdiń ózi aınalańyzdaǵy adamdarǵa qýanysh syılaı alady. Bárin-bárin qýantqyńyz keledi-aý. Biraq bul múmkin emes.
Psıholog keńesi: «Qurt tátti almaǵa túsedi. Keıde qyshqyldaý da bola bilińiz».
6-ALMA
Adamdarǵa saqtyqpen qaraısyz, senbeısiz jáne eshkimge syryńyzdy da aıta bermeısiz. Ushqyr oı, myqty este saqtaý qabileti ushtasqan jansyz. Kez kelgen nárseniń, jaǵdaıdyń usaq detaldaryna deıin kóz aldyńyzda «jattap» qala alasyz. Bul sizdiń ereksheligińiz. Alaıda bunyń jaman jaǵy da bar, renish pen ókpeni uzaq jyl umyta almaı júresiz. Sizdi ókpeshil, kekshil, shaǵymdanǵysh adamdar tobyna qosýǵa da bolady.
Psıholog keńesi: «Jerine qaraı jemisi. Adamnyń bárinen ózińizge unaǵan qasıetti izdep áýrelenbeńiz. Ár adamdy sol qalpynda qabyldaýǵa úırenińiz». Konfýıı «Asa aqyldylar men asa aqymaqtar ǵana ózgermeıdi» deıdi. Siz qaısysyna jatasyz? Eger, bul eki topqa da kirmeıtin bolsańyz, onda psıholog keńesin oryndap, minezińizdi ózgertetinińiz anyq. Ózgerýge, ózgertýge áreket etińiz. Aǵash ekpeı jemis bermes, is bitpeı jeńis kelmes!
J. Nurabaıqyzy,
ERNUR.KZ
