Semeide poliseiler ittı öltırdı degen küdıkpen er adamdy ūstady. Būl turaly Abai oblysynyŋ polisiia departamentı aitty, dep habarlaidy «Adyrna» tılşısı.
7 mausymǧa qaraǧan tünı qūqyq qorǧau organdaryna jeke üidıŋ tūrǧyndary habarlasqan. Olardyŋ aituynşa, būrynǧy küieu balasy ittı atyp öltırgen.
Oqiǧa ornyna kelgen polisiia qyzmetkerlerı küdıktını ūstaǧan. Ūstalǧan kezde onyŋ mas küide bolǧany anyqtaldy. Er adam män-jaidy anyqtau üşın polisiia bölımıne jetkızılgen.
«Oqiǧa boiynşa qylmystyq ıs qozǧaldy. Būdan bölek, er adam mas küide kölık basqarǧany, ūsaq būzaqylyq jasaǧany, sondai-aq azamattyq qarudy saqtau, alyp jüru jäne paidalanu qaǧidalaryn būzǧany üşın bırneşe äkımşılık qūqyq būzuşylyq boiynşa jauapkerşılıkke tartyldy», – delıngen habarlamada.
Sondai-aq tärkılengen myltyqty saqtau jäne alyp jüru rūqsatyn joiu turaly şeşım qabyldanǧan. Jinalǧan äkımşılık materialdar sotqa joldanǧan.
«Sotqa deiıngı tergep-tekseru barysy Abai oblysy polisiia departamentı basşylyǧynyŋ baqylauynda», – dep qosty vedomstvonyŋ baspasöz qyzmetı.
