Mänerlep syrǧanaudan Qazaqstannyŋ üzdık sportşysy, qysqy Olimpiada chempiony Mihail Şaidorov Threads äleumettık jelısınde janküierlerıne ündeu jasap, özıne qatysty soŋǧy kezde taraǧan dauly aqparattarǧa pıkır bıldırdı. Ol jelıde aitylǧan bırqatar mälımetterdı joqqa şyǧaryp, jaǧdaiǧa qatysty öz ūstanymyn aşyq aitty, dep habarlaidy "Adyrna".
Aldymen sportşy qiyn sätte qoldau körsetken qazaqstandyqtarǧa alǧys bıldırdı. Onyŋ aituynşa, äleumettık jelılerdegı jyly lebızder men jeke hattar ülken demeu bolǧan.
«Barşa qazaqstandyqqa qoldaulary men beijai qaramaǧany, äleumettık jelılerdegı köptegen jazbalary men jyly lebızderı jazylǧan jeke hattary üşın alǧys aitqym keledı. Jalǧan aqparattar aǧynyna ermei, maǧan senım artqandaryŋyz üşın raqmet. Sızderdıŋ senımderıŋız men üşın öte maŋyzdy», – dep jazdy sportşy.
Sportşy keibır tüitkıldı mäselelerdıŋ tek qoǧam talqysyna şyqqanda ǧana şeşıletınıne ökınış bıldırdı. Ol eşqandai memlekettık organmen teketıreske tüskısı kelmeitının, bıraq öz abyroiyn qorǧauǧa daiyn ekenın aşyq aitty.
«Keibır mäselelerdı köpşılıkke jariia etpeiınşe, şeşu mümkın emes ekenıne, şyn mänınde, ökınemın. Qandai da bır organdarmen esep aiyrysyp, aitysqym kelmeidı, bıraq menıŋ atymdy köpşılık aldynda qaralauǧa jol bermeimın», – dedı Şaidorov.
Sportşy soŋǧy uaqytta qyzu talqylanǧan «sport şeberı» kuälıgıne qatysty da tüsınık berdı. Onyŋ aituynşa, tiıstı normativ oryndalǧanymen, resmi qūjat älı künge deiın berılmegen.
Bügınge deiın sportşyǧa «Qazaqstan Respublikasynyŋ eŋbek sıŋırgen sport şeberı» kuälıgı berılmegen. Şaidorov būl joǧary normativtı 2025 jyly älem chempionatynda kümıs jülde enşılegen kezde-aq oryndap qoiǧan. Qūjattardy räsımdeuge qajettı barlyq proseduradan uaqytyly ötkenımen, kuälıktı älı künge deiın qolyna almaǧan.
Şaidorov özıne ömırınıŋ soŋyna deiın tölem taǧaiyndalǧanyn sport ministrlıgı basqaşa jetkızıp jürgenın, tölem 20 jyldyq eŋbek ötılınen keiın ǧana taǧaiyndalatynyn atap öttı. Sportşynyŋ jasy bügınde 21-de.
Olimpiada chempiony jaŋa kelısımşarttyŋ talaptaryn talqylau üşın özıne mamyr aiynyŋ ortasynda ǧana habarlasqanyn, onyŋ merzımınıŋ sozyluy soma nemese kelgısı kelmegennen emes, zaŋnamalyq mäselege bailanysty ekenın atap öttı.
«2026 jyldyŋ soŋyna deiın jaramdy kelısımşartta 2030 jylǧy Olimpiadada medal jeŋıp alu turaly mındetteme körsetılgen. Bız komandamyzben zaŋ tūrǧysynan osy tarmaqty qaita qaraudy ǧana sūradyq. Öitkenı būl qisynsyz ärı mümkın emes närse. Men 2026 jyly tūryp, tek 4 jyldan keiın ötetın Olimpiadany ūtyp ala almaimyn ǧoi. Bız būl sūraqtardy zaŋgerlerge joldap, osy tarmaqty qaita qaraudy ötındık, bıraq BAQ-ta aitylyp jatqandai, osy uaqytqa deiın bızben eşkım bailanysqa şyqqan joq», – dedı. Ol tölemderdı jasau men kelısımşartqa otyru mäselelerı ministrlık tarapynan ädeiı sozylyp otyr dep sanaidy.
Şaidorov 5 mausymǧa josparlanǧan oqu-jattyǧu jiyny ministrlık tarapynan elenbei otyrǧanyn jetkızdı.
«Bırneşe ret qoŋyrau şaldyq, smetalardy jıberdık, baǧdarlamany qoiuǧa aqşa tölei ala ma, oqu-jattyǧu jiyndaryn qarjylandyra ma, biletterdı satyp alyp bere me dep sūradyq. Alaida būǧan eşqandai naqty jauap ta bolǧan joq, säikesınşe, ūşuymyzǧa bır apta qalsa da, bügıngı künge deiın jiyndardy ūiymdastyru şaralary jasalmady», – deidı chempion.
Sportşy eger uäde etılgen qarjylai qoldau berılse, ony öz esebınen daiyndyqqa jūmsaitynyn, mäselenı köpşılıkke şyǧaruǧa mäjbür bolmaitynyn jetkızdı. Sonymen bırge ol bolaşaqta qoldau bolsa, qarajattyŋ bır bölıgın balalarǧa kömektesuge baǧyttaitynyn da aitty.
Eske sala keteiık, būǧan deiın Mihail Şaidorov Timur Balymbetovke bergen sūhbatynda 5 aidan berı ailyq almaǧanyn aitqan edı. Artynşa ministrlık bırden tüsınıkteme berdı
