Ūlttyq testıleu ortalyǧy 2026–2027 oqu jylyna arnalǧan talapkerler küntızbesın jariialady. Osylaişa, joǧary oqu oryndaryna tüsuge arnalǧan qabyldau nauqanynyŋ naqty merzımderı men kezeŋderı aiqyndaldy, dep habarlaidy "Adyrna".
Qazırgı uaqytta elımızde negızgı Ūlttyq bıryŋǧai testıleu (ŪBT) ötıp jatyr. Ol 10 mamyrda bastalyp, 10 şıldege deiın jalǧasady.
Joǧary oqu oryndaryna oquǧa tüsu üşın qūjat qabyldau 20 mausymda bastalyp, 25 tamyzda aiaqtalady.
"Densaulyq saqtau" jäne "Pedagogikalyq ǧylymdar" baǧyttaryn taŋdaǧan talapkerler üşın arnaiy emtihandar qarastyrylǧan. Būl emtihandarǧa ötınışter 20 mausymnan bastap qabyldanady, al synaqtar 20 tamyzǧa deiın jalǧasady.
Bılım granty konkursyna qatysudy josparlaǧan talapkerler arnaiy emtihandardy 20 şıldege deiın tapsyruy qajet.
Al şyǧarmaşylyq mamandyqtarǧa tüsuşıler üşın mynadai keste bekıtıldı:
- şyǧarmaşylyq emtihandarǧa ötınış qabyldau – 20 mausymnan 10 tamyzǧa deiın (grantqa ümıtkerler üşın – 7 şıldege deiın);
- şyǧarmaşylyq emtihandardy ötkızu – 7 şıldeden 15 tamyzǧa deiın (grantqa ümıtkerler üşın – 20 şıldege deiın).
Grant konkursynyŋ merzımderı:
- bılım beru granttaryn taǧaiyndau konkursyna ötınımder 13–20 şılde aralyǧynda qabyldanady;
- memlekettık bılım granty iegerlerınıŋ tızımı 10 tamyzǧa deiın jariialanady.
Eske salaiyq, būǧan deiın Qazaqstanda 1-synypqa qūjat qabyldau bastalǧany habarlanǧan bolatyn.
Ūqsas jaŋalyqtar
