7 mamyrda Astanada jaŋa «Ädılet» saiasi partiiasynyŋ qūryltai sezı ötıp, partiianyŋ resmi qyzmetı bastaldy. Sezge Qazaqstannyŋ barlyq öŋırınen 1000-ǧa juyq delegat qatysty.
Sezd barysynda delegattar ūiymnyŋ resmi atauyn – «Ädılet» saiasi partiiasy» qoǧamdyq bırlestıgı retınde bekıtıp, Jarǧysy men baǧdarlamasyn qabyldady. Sondai-aq basşylyq qūramy men partiia töraǧasyn sailady.
Partiia töraǧasy bolyp Dädebai Aibek Arqabaiūly sailandy.
Delegattar aldynda söz söilegen «Ädılet» partiiasynyŋ töraǧasy negızgı jūmys baǧyttaryn aiqyndady:
«Bızdıŋ partiiamyzdyŋ negızı zaŋ üstemdıgı men tärtıp qaǧidattaryna qūrylady. Halyqtyŋ zaŋ üstemdıgıne degen senımı – memlekettıŋ basty resursy ärı tıregı. Sondyqtan bızdıŋ negızgı mındetımız – ädıldıktı jariialau ǧana emes, ony ortaq mädenietımızdıŋ ajyramas bölıgıne ärı kündelıktı ömırımızdıŋ şartyna ainaldyru. Basqaşa aitqanda, Ädıldık ūlttyq sana men bolmystyŋ airyqşa sipatyna ainaluǧa tiıs. Memleket basşysy Qasym-Jomart Toqaev öz nazaryn ünemı däl osy baǧytqa audaryp keledı», – dedı Aibek Dädebai.
«Ädılet» partiiasy öz qyzmetın zaŋ jäne tärtıp, tiımdı instituttar, quatty öŋırler – quatty el, ıs jüzındegı Halyq ünıne qūlaq asatyn memleket, ädılettı ärı bäsekege qabılettı ekonomika, äleumettık yntymaq pen atauly qoldau, adami äleuetke basymdyq beru, sifrlyq memleket, Taza Qazaqstan, jauapty orta derjava jäne jaŋa geosaiasi etika qaǧidattary töŋıregınde qūrady.
«Ädılet» ideologiiasynyŋ negızınde Qazaqstannyŋ jarqyn bolaşaǧy är azamattyŋ bügıngı kündelıktı taŋdauy arqyly qalyptasady degen senım jatyr. Būl – adal eŋbek etu, zaŋdy qūrmetteu jäne el ömırıne beijai qaramai, qoǧam ısıne belsendı atsalysu.
«Bızdıŋ niettesterımız – däl osyndai azamattar. Olar – belsendı, jauapkerşılıgı joǧary, el damuyna üles qosatyn jandar. Bız bırge eŋbek etemız, jūmysty aşyq, adal ärı qoǧam aldynda esep bere otyryp jürgızemız. Bız jeŋıl şeşımder ūsynbaimyz. Jüielı, jauapty jäne däiektı jūmys jürgızuge uäde beremız», – dep atap öttı Aibek Dädebai.
Partiia ūstanymdary qazaqstandyqtardyŋ keŋ qoldauyna ie boldy. 30 säuırde ıske qosylǧanhttp://adilet-partiyasy.kz/ sifrlyq platformasy arqyly partiia qataryna kıruge 9000-nan astam ötınış kelıp tüstı.
Partiianyŋ qūryluy 2026 jylǧy 15 nauryzda qabyldanǧan Qazaqstan Respublikasynyŋ jaŋa Konstitusiiasynda bekıtılgen qūndylyqtardyŋ ıs jüzındegı naqty körınısı boldy. Qūryltai sezı «Ädılettıŋ» Täuelsızdık buynynyŋ partiiasy retındegı märtebesın rastap, onyŋ ökıldı demokratiia instituttary men zaŋ üstemdıgın nyǧaituǧa baǧyttalǧanyn körsettı.
