Belgılı jurnalist, qoǧam qairatkerı Dana Nūrjıgıt Meruert Ötekeşovanyŋ jaldamaly päterde tūratynyn aitty, dep habarlaidy "Adyrna" ūlttyq portaly.
Ol aktrisanyŋ "Qyz Jıbek" filmındegı rölı arqyly halyqtyŋ jüregınen oryn alǧanyn atap ötıp, qazırgı äleumettık jaǧdaiynyŋ qoǧam üşın oilantarlyq mäsele ekenın aitty.
Jurnalist būl pıkırın äleumettık jelıdegı paraqşasynda jariialaǧan.
"Meruert Ötekeşovanyŋ Maiia Bekbaevaǧa bergen sūqbatyn körıp, jüregım qars aiyryldy. İntelligensiia turaly aitqan sözım Meruerttei apamyz siiaqty adamdar turaly. Janym, apam-au! Sūlu kelbet, näzık bolmysyŋyzǧa Allam qanşama asyl qasiettı üiıp berse, synaqty da aiamai tökken eken-au! Meruert apamyzdyŋ qarapaiym tırşılık keşıp jürgenın ıştei sezetınmın. Bıraq üi ışımen Astanada päter jaldap tūratyny üş ūiyqtasam tüsıme kırmeitın, aqylǧa syimaityn ädıletsızdık. Būl sūqbat bolmasa, ol aitpas ta edı-au ainalaiyn! Sondyqtan Baian Alagözovanyŋ ai saiyn jasaimyn degen qarjylai kömegı būl mäselenıŋ bergı jaǧy ǧana eken", – dedı Dana Nūrjıgıt.
Sonymen qatar, jurnalist aktrisanyŋ ūlttyq mūraǧa qosqan ülesıne erekşe toqtaldy.
"Gorbachevtyŋ zamanynda qor aşyp, bır tiynyn şaşpai «Qyz Jıbek» filmın Mäskeudegı «Mosfilm» arhivınen qaita jazdyrtyp, poezben alyp kelıp, üiınde saqtap, elge jetkızgen erlıgın aitsaŋyzşy! Al Astanada jas jūbailar otbasylyq ömırdı ädemı räsımmen bastaityn Qyz Jıbek pen Tölegenge qoiyluy tiıs eskertkış turaly ideiasy qandai tamaşa", – dedı ol.
Dana Nūrjıgıt aktrisanyŋ biyl 75 jasqa tolǧanyn atap ötıp, oǧan laiyqty jaǧdai jasau qoǧamnyŋ mındetı ekenın jetkızdı.
«Men bärın jeŋemın, ötkeremın, bärı jaqsy bolady!» degen qaisarlyǧyŋyz özıŋızge degen senımnen emes, özıŋızden basqa senerıŋız joqtan ǧoi, apau! Basqa şara joq! Meruert Ötekeşova biyl 75 jasqa toldy. Eŋ ülken qūrmet – Qyz-Jıbegımızdıŋ Aq Otauyn han tüsetın aq şaŋqaily üi etu! Meruert Qarataiqyzynyŋ jaǧdaiyn jasau, barynşa kömektesu kerek. Būl – barǧa qanaǧat, joqqa şükır dep ösken jankeştı ūrpaq. Janyna batsa da, ün qatpaidy, arlanady", – dep jazdy jurnalist.
