Milliondaǧan oqyrmany bar qytailyq bloger, Kazakh Tourism ambassadory Tao Minsiu Memleket basşysynyŋ atynan II därejelı «Dostyq» ordenımen marapattaldy. Joǧary memlekettık nagradany oǧan Qazaqstan Respublikasy Premer-Ministrınıŋ orynbasary – Mädeniet jäne aqparat ministrı Aida Balaeva tabystady.
Marapat Tao Minsiudıŋ Qytai mediakeŋıstıgınde Qazaqstandy tanytuǧa, onyŋ mädeni mūrasy men turistık äleuetın nasihattauǧa, sondai-aq Qazaqstan men Qytai arasyndaǧy gumanitarlyq bailanystardy nyǧaituǧa qosqan ülesı üşın berıldı.
Marapattau räsımı barysynda Aida Balaeva Tao Minsiudıŋ ekı el halqy arasyndaǧy dostyqty nyǧaitudaǧy eŋbegınıŋ maŋyzyn atap öttı.
«II därejelı «Dostyq» ordenı – būl Qazaqstan men Qytai arasyndaǧy dostyq pen gumanitarlyq bailanystardy nyǧaituǧa qosqan ülesıŋızdıŋ joǧary memlekettık baǧasy. Sızdıŋ eŋbegıŋızdıŋ arqasynda milliondaǧan adam Qazaqstandy, onyŋ bai mädeni mūrasyn, körkem tabiǧatyn jäne turistık äleuetın jaqynyraq tanydy», – dep atap öttı Aida Balaeva.
Tao Minsiu, sondai-aq Tao Tao esımımen de tanymal, Qazaqstanǧa alǧaş ret 2024 jylǧy qyrküiekte arnaiy şaqyrylǧan media-infliuenser retınde kelgen bolatyn. Sodan berı ol Astana, Almaty qalalarynda, sondai-aq Aqmola, Almaty, Şyǧys Qazaqstan jäne Maŋǧystau oblystarynda bolyp, jiyntyq qamtylymy 1 milliardtan asatyn 100-den astam material jariialady. 2025 jylǧy mamyrda oǧan «Qazaqstan turizmınıŋ elşısı» qūrmettı märtebesı berıldı. Qazaqstanǧa besınşı sapary aiasynda bloger Almaty – Aqtau – Türkıstan baǧytymen saparlap, Amal jäne Nauryz merekelerıne arnalǧan ıs-şaralarǧa qatysty.
Qytailyq blogerdı marapattau Qazaqstan men Qytai arasyndaǧy yntymaqtastyqtyŋ keŋ auqymdy nyǧaiu üderısınıŋ bır körınısı. Bügınde ekı eldıŋ qarym-qatynasy jan-jaqty strategiialyq ärıptestıktıŋ būryn-soŋdy bolmaǧan joǧary deŋgeiıne köterıldı. Būl baǧytta Memleket basşysy Qasym-Jomart Toqaev pen Qytai Halyq Respublikasynyŋ Töraǧasy Si Szinpin arasyndaǧy dostyq qatynastar airyqşa röl atqaryp, ekıjaqty bailanystardy odan ärı tereŋdetudıŋ berık baǧdaryn aiqyndap otyr.
Yntymaqtastyqtyŋ negızgı baǧyttarynyŋ bırı mädeni-gumanitarlyq sala bolyp qala beredı. 2026 jyly Qazaqstan men Qytai mädenietınıŋ toǧyspaly jyly ötıp jatyr. Būl bastama teatr, kino, körme qyzmetı, kreativtı industriialar jäne gastroldık almasular salalaryndaǧy özara yqpaldastyqty keŋeitudıŋ maŋyzdy alaŋyna ainaldy.
Qol jetkızılgen uaǧdalastyqtardyŋ maŋyzdy nätijelerınıŋ bırı – Beijıŋ qalasynda Qazaqstannyŋ mädeni ortalyǧynyŋ aşyluy. Būl – şetelde aşylǧan alǧaşqy ärı äzırge jalǧyz qazaqstandyq osyndai mekeme. Ortalyqta Qytaida qazaq mädenietın, tılın, önerı men tarihyn ılgerıletudıŋ, sondai-aq körmeler, därıster, konsertter, şeberlık sabaqtary men bılım beru baǧdarlamalary ötkızıledı.
Turistık yntymaqtastyq ta qarqyndy damyp keledı. 2024 jyly Qazaqstanǧa Qytaidyŋ 655 myŋ azamaty kelse, byltyr būl körsetkış 968 myŋ adamǧa jettı. Būl baǧytqa 2026 jylǧy 29 nauryzda Air Astana äue kompaniiasy ıske qosqan Almaty – Şanhai tıkelei äue reisı qosymşa serpın berdı. Jaŋa baǧyt turizmdı, ıskerlık bailanystardy jäne gumanitarlyq almasulardy damytuǧa qosymşa mümkındık aşady.
