Türkıstan oblysynda 23 jastaǧy äiel jüktılıgınıŋ soŋǧy kezeŋınde äleumettık jelı arqyly bolaşaq säbiın satyp alatyn adamdardy ızdegen. Jedel-ızdestıru şaralary barysynda polisiia qyzmetkerlerı onyŋ būl zaŋsyz äreketın der kezınde äşkerelep, qylmystyq josparyn tolyq qūjattap, küdıktını ūstady, dep habarlaidy "Adyrna".
IIM mälımetınşe, äiel bosanǧannan keiın nebärı üş kündık närestenı aqşaǧa bermek bolǧan sätınde qolǧa tüstı. Polisiianyŋ jedel ärı käsıbi ıs-qimylynyŋ arqasynda säbige tönuı mümkın auyr jäne qaitymsyz qauıptıŋ aldyn alu mümkın boldy.
Atalǧan derek boiynşa qylmystyq ıs qozǧalyp, küdıktı uaqytşa ūstau izoliatoryna qamaldy.
«Qazırgı taŋda jaŋa tuǧan qyz bala därıgerlerdıŋ baqylauynda. Onyŋ ömırı men densaulyǧyna eşqandai qauıp tönıp tūrǧan joq. Tergeu jūmystary jalǧasyp jatyr. Oqiǧanyŋ barlyq män-jaiy jan-jaqty tekserılıp, zaŋ aiasynda tiıstı qūqyqtyq baǧa berıledı.
Polisiia adam saudasynyŋ kez kelgen türı, äsırese balalarǧa qatysty qylmys qataŋ türde toqtatylatynyn erekşe atap öttı», – delıngen habarlamada.
