Ūlytau oblysynda mügedektıgı bar azamattardy äleumettık qoldau, oŋaltu jäne qoǧam ömırıne beiımdeu baǧytyndaǧy jūmystar kezeŋ-kezeŋımen jüzege asyrylyp keledı. Öŋır boiynşa mügedektıgı bar adamdar sany 11 167 adamdy qūraidy. Onyŋ ışınde 1 051-ı – balalar. Būl jalpy körsetkıştıŋ 9,4 paiyzyn qūraidy.
Mügedektıgı bar azamattardy qajettı oŋaltu qūraldarymen qamtamasyz etu medisinalyq körsetılımder men qarsy körsetılımderdı eskere otyryp, oŋaltudyŋ jeke baǧdarlamasyna säikes jergılıktı biudjet esebınen jürgızılude. Atap aitqanda, protezdık-ortopediialyq qūraldar, jürıp-tūruy qiyn azamattarǧa arnalǧan kreslo-arbalar, sanatorii-kurorttyq emdeu, mındettı gigienalyq qūraldar, tiflotehnikalyq jäne surdotehnikalyq qūraldar, sondai-aq ymdau tılı mamanynyŋ qyzmetterı ūsynylady.
Qazırgı taŋda oŋaltudyŋ jeke baǧdarlamasyna säikes 973 adam, iaǧni 41,7 paiyzy qajettı qūraldar men qyzmetterdı alyp otyr. Al 2025 jyldyŋ qorytyndysy boiynşa būl körsetkış 4 839 adamdy nemese 98,1 paiyzdy qūraǧan.
Memlekettık tapsyrys aiasynda mügedektıgı bar azamattarǧa invataksi qyzmetı de ūiymdastyrylǧan. Bügınde būl qyzmetpen 221 adam qamtylǧan. Onyŋ ışınde Jezqazǧan qalasynda – 150, Sätbaev qalasynda – 37, Qarajal qalasynda – 18, Jaŋaarqa audanynda 16 adam bar. İnvataksi qyzmetın körsetuge barlyǧy 11 arnaiy avtokölık jūmyldyrylǧan. Onyŋ 5-euı Jezqazǧanda, 2-euı Sätbaevta, 1-euı Qarajalda, 3-euı Jaŋaarqa audanynda qyzmet körsetıp otyr.
Äleumettık kömek körsetudıŋ, onyŋ mölşerlerın belgıleudıŋ jäne mūqtaj azamattardyŋ jekelegen sanattarynyŋ tızbesın aiqyndaudyŋ ülgılık qaǧidalaryna säikes, jergılıktı uäkılettı organdar şeşımımen bırjolǧy äleumettık tölemder de qarastyrylǧan. Atap aitqanda, qazan aiynyŋ ekınşı jeksenbısı – Qazaqstan Respublikasynyŋ Mügedektıgı bar adamdar künıne orai mügedektıgı bar barlyq sanattaǧy adamdarǧa jäne mügedektıgı bar balalarǧa 20 000 teŋgeden tölenedı. Sonymen qatar, 1-2 qaŋtar – Jaŋa jyl merekesıne orai mügedektıgı bar balalarǧa 20 000 teŋge kölemınde bırjolǧy äleumettık tölem qarastyrylǧan.
Öŋırde mügedektıgı bar azamattardyŋ qoǧam ömırıne beiımdeluıne jaǧdai jasau maqsatynda arnauly äleumettık qyzmetter körsetetın lisenziialanǧan ortalyqtar jūmys ısteidı. Sonyŋ bırı – stasionarlyq ülgıdegı 241 orynǧa arnalǧan «Ūlytau oblysynyŋ arnauly äleumettık qyzmetter körsetu ortalyǧy» kommunaldyq memlekettık mekemesı. Qazırgı uaqytta ortalyqta 214 adam tūryp jatyr. Onyŋ 81-ı – mügedektıgı bar adamdar, 133-ı – zeinetkerler.
Būdan bölek, oblysta 5 audandyq jäne qalalyq jūmyspen qamtu jäne äleumettık baǧdarlamalar bölımderı qyzmet körsetedı. Olardyŋ qaramaǧynda üi jaǧdaiynda arnauly äleumettık qyzmet körsetetın 14 bölımşe bar. Atap aitqanda, Jezqazǧanda – 7, Sätbaevta – 3, Qarajalda – 1, Jaŋaarqa audanynda – 2, Ūlytau audanynda 1 bölımşe jūmys ısteidı. Jyl basynan berı būl qyzmettermen 958 adam qamtylǧan.
Sondai-aq öŋırde ükımettık emes ūiymdar da belsendı jūmys atqaruda. Atap aitqanda, «Ūlytau Meiırım» qoǧamdyq qory 18-35 jas aralyǧyndaǧy mügedektıgı bar adamdarǧa arnalǧan 30 oryndyq kündızgı bolu ortalyǧyn ıske asyruda. «Nūr maqsat» mügedekter qoǧamy» qoǧamdyq bırlestıgı 18-35 jas aralyǧyndaǧy azamattarǧa arnalǧan 25 oryndyq kündızgı bolu ortalyǧyn ūiymdastyrǧan. Al «Talap» qaiyrymdylyq qory 3-18 jas aralyǧyndaǧy mügedektıgı bar balalarǧa arnalǧan 25 oryndyq ortalyq jūmysyn jürgızse, «Qazyna qamqor» qaiyrymdylyq qory 1,5-18 jas aralyǧyndaǧy balalarǧa arnalǧan 25 oryndyq kündızgı bolu ortalyǧy arqyly qyzmet körsetıp otyr.
Jūmyspen qamtu baǧytynda da naqty şaralar qabyldanuda. 2026 jyly Ūlytau oblysynyŋ mansap ortalyqtaryna erekşe qajettılıkterı bar 151 jūmyssyz azamat ötınış bıldırgen. Nätijesınde 26 adam jūmysqa ornalastyryldy. Onyŋ ışınde 18 adam tūraqty jūmysqa tūrsa, 8 adam subsidiialanatyn jūmys oryndaryna, naqtyraq aitqanda qoǧamdyq jūmystarǧa joldandy.
Sonymen bırge, «Bastau Biznes» jobasy aiasynda käsıpkerlık negızderıne oqytu kurstarynan 4 erekşe qajettılıgı bar azamat ötıp, tiıstı sertifikattaryn alǧan. Al 2026 jyly halyqtyŋ äleumettık osal toptaryna arnalǧan 120 grant beru josparlanyp otyr. Är granttyŋ mölşerı 1 million 730 myŋ teŋgenı qūraidy. Granttar joldanymdar men biznes-jobalar qabyldanǧannan keiın ekı kezeŋ boiynşa arnaiy komissiia şeşımıne säikes berıletın bolady.
Ūlytau oblysynda mügedektıgı bar barlyq sanattaǧy azamattardy qoldau maqsatynda qosymşa äleumettık şaralar da qarastyrylǧan. Atap aitqanda, Jezqazǧan jäne Sätbaev qalalarynda mügedektıgı bar adamdar, balalar jäne olardy tärbielep otyrǧan ata-analar tegın jol jüru biletterımen qamtamasyz etılude.
Jalpy, öŋırde mügedektıgı bar azamattardyŋ ömır sapasyn arttyru, olardy äleumettık tūrǧyda qoldau, beiımdeu jäne jūmyspen qamtu baǧytyndaǧy jūmystar jüielı türde jalǧasyp keledı.
