2 säuırde «Ämır Temır» tarihi eposy älemnıŋ 30-dan astam elınde ülken ekranǧa şyǧady, dep habarlaidy «Adyrna» tılşısı.
Būl – amerikalyq Mystery Box, qazaqstandyq BWG Production jäne özbekstandyq 7SABER kompaniialarynyŋ bırlesken jobasy.
16+ jastaǧy körermenderge arnalǧan film XIV ǧasyrdyŋ ortasyndaǧy oqiǧalarǧa — Moŋǧol imperiiasynyŋ ydyrauynan keiın Ūly Jıbek joly aimaǧyndaǧy saiasi tūraqsyzdyq kezeŋıne arnalǧan.
Filmdı taratu qūqyqtary 120-dan astam el men aimaqqa satylǧan, olarǧa TMD elderı, Taiau Şyǧys, Europa, Aziia, Latyn Amerikasy jäne Afrika memleketterı kıredı, al filmnıŋ äleuettı auditoriiasy 250 million adamnan asady dep kütılude. AQŞ-ta film 14 säuırde Well Go USA Entertainment arqyly sifrlyq formatta körsetılmek.
Aita keteiık, tüsırılımder Qazaqstan men Özbekstanda ötken. Kün saiyn tüsırılım alaŋynda şamamen 530 adam jūmys ıstegen.
