Ükımet Memleket basşysy Qasym-Jomart Toqaevtyŋ Prezidenttık baǧytyn jüzege asyru boiynşa jüielı jūmysty jalǧastyruda. Memleket basşysynyŋ Ūlttyq qūryltaidyŋ tört otyrysy barysynda aitqan bastamalaryn jüzege asyru eldı transformasiialaudyŋ negızgı tetıkterınıŋ bırı boldy. Bastamalardy naqty jüzege asyru üşın zaŋnamalyq baza qamtamasyz etıldı, 26 zaŋ qabyldandy.
İnfraqūrylymdy damytu
Öŋırlerdegı sapaly özgerısterdıŋ negızı – teŋgerımsızdıkterdı joiu jäne ekonomikalyq jobalardy jüzege asyru. Memleket basşysynyŋ Ūlttyq qūryltaidyŋ IV otyrysynda bergen tapsyrmalaryna säikes Ükımet kölık dälızderın damytuǧa jäne injenerlık jelılerdı jaŋǧyrtuǧa nazar audardy, būl azamattardyŋ ıskerlık belsendılıgı men tūrmys sapasyna tıkelei äser etedı.
Prezident tapsyrmasyn oryndau aiasynda «Astana – Arqalyq – Torǧai – Yrǧyz» avtomobil jolynyŋ qūrylysy bastaldy. Ūzyndyǧy 896 şaqyrym būl joba ortalyq öŋırlerdıŋ Transkaspii halyqaralyq kölık dälızıne tıkelei şyǧuyn qamtamasyz etedı. Jalpy qūny – 1,1 trln teŋge.
Şaǧyn qalalardyŋ kölıktık qoljetımdılıgın arttyru boiynşa jūmystar jürgızılude. Memleket basşysynyŋ Arqalyq qalasynyŋ äuejaiyn qalpyna keltıru jönındegı tapsyrmasy oryndaluda. Qalada ūzaq uaqyt boiy tıkelei äue qatynasy bolǧan joq, öitkenı jergılıktı äue ailaǧy 1992 jyldan berı jūmys ıstemedı. Äuejaidy ıske qosu üşın ūşu-qonu jolaǧyn rekonstruksiialauǧa jäne jaŋa terminal saluǧa Arnauly memlekettık qordan 5,5 mlrd teŋge bölındı. Jūmystardy aiaqtau 2026 jylǧa josparlanǧan.
Ömır sapasynyŋ negızgı faktory tūrǧyn üi men energiia resurstarynyŋ qoljetımdılıgı bolyp qala beredı. 2025 jyly «Nauryz» jaŋa ipotekalyq baǧdarlamasy aiasynda 8,5 myŋnan astam qaryz berıldı. (2024 jyldan bastap 16,3 myŋ qaryz berıldı)
Öŋırlerdı gazdandyruǧa 2024 jyly 112,4 mlrd teŋge baǧyttaldy, 2 myŋ şaqyrymnan astam jelı salyndy.
«Taldyqorǧan – Üşaral» magistraldı gaz qūbyry qūrylysynyŋ merzımınen 1 jyl 4 ai būryn aiaqtaluy energetika sektoryndaǧy maŋyzdy oqiǧa boldy. Ony ıske qosu Jetısu oblysynyŋ 84 eldı mekenın tabiǧi otynmen qamtamasyz etuge jäne öŋırdı gazdandyru deŋgeiın 76%-ǧa deiın jetkızuge mümkındık beredı.
Adami kapital jäne jaŋa ideologiia
Ükımettıŋ būl baǧyttaǧy jūmysy Qūryltaidyŋ II jäne IV otyrystarynda Prezident aiqyndap bergen «Adal azamat» tūǧyrnamasy negızınde jürgızılude.
Täsılderdı jaŋartu üşın tärbie jūmysy transformasiialandy:
- «Bırtūtas tärbie» bıryŋǧai baǧdarlamasy «Adal azamat» baǧdarlamasyna özgertıldı.
- «Adal azamat – Adal eŋbek – Adal tabys» qaǧidatyna negızdelgen baǧdarlamanyŋ mazmūny bılım beru ūiymdaryna engızıldı. 110 myŋnan astam pedagog bılım aldy.
Tarihi jadyny saqtauǧa jäne ziialy qauymdy qoldauǧa erekşe köŋıl bölınude. I jäne II otyrystardyŋ bastamalary jüzege asyryldy:
- «Qazaqstannyŋ Halyq jazuşysy» ataǧy qalpyna keltırıldı.
- 23 säuır – Ūlttyq kıtap künı bolyp bekıtıldı.
- Otandyq avtorlardyŋ «100 kıtabynyŋ» tızımı jasaldy.
- Astanada Prezidenttık kıtaphanany jobalau jūmystary bastaldy (paidalanuǧa beru – 2027 jyl).
Adal eŋbek ideologiiasynyŋ jalǧasynda III otyrystyŋ (Atyrau) tapsyrmasy oryndaldy: 2025 jyl Jūmysşy mamandyqtar jyly bolyp jariialandy. Elımızdıŋ marapattau jüiesıne öndırıstık mamandyqtardyŋ ökılderı üşın 9 jaŋa qūrmettı ataq engızıldı.
Äleumettık inkliuziia jäne bılım beru nysandary
«Adal azamat» qaǧidaty ärbır qazaqstandyq üşın teŋ mümkındıkter qalyptastyrudy közdeidı. Memleket basşysynyŋ IV otyrysta bergen tapsyrmalaryn oryndau maqsatynda Ükımet «Mümkındıgı şekteulı balalardy keşendı qoldau turaly» zaŋ jobasyn äzırledı.
Qūjat Mäjılıstıŋ qarauynda. Joba üş negızgı mäselenı şeşuge baǧyttylǧan:
- Erte anyqtau: diagnostika men qoldaudyŋ bıryŋǧai standartyn engızu.
- Sifrlandyru: barlyq qyzmetter är balaǧa jeke jospar qūra otyryp, «İntegrasiialanǧan modul» jalpy jüiesı arqyly taǧaiyndalady
- Sapany baqylau: psihologiialyq-pedagogikalyq kömek körsetetın ūiymdar üşın lisenziialaudy engızu.
Balalyq şaq salasyn jüielı damytu maqsatynda «Qazaqstan balalary» bıryŋǧai baǧdarlamasynyŋ tūjyrymdamasy äzırlendı. Qūjat tört negızgı baǧytqa negızdelgen: balanyŋ qauıpsızdıkke, bılımge, densaulyqqa, äleumettık qorǧauǧa jäne otbasyna qūqyǧy. Joba balalardyŋ qūqyqtaryn qorǧaudy retke keltıredı jäne memlekettık organdardyŋ bırlesken jūmysyn jolǧa qoiuǧa mümkındık beredı. Būl är balaǧa teŋ qoldau körsetudı qamtamasyz etıp, zorlyq-zombylyq pen bullingtıŋ saldarymen küresuden görı olardyŋ erte bestan aldyn aluǧa kömektesedı.
Osy jūmys aiasynda 10 553 bılım beru ūiymy qauıpsızdık jüielerımen jabdyqtalǧan
Sonymen qatar oquşy oryndarynyŋ tapşylyǧyn joiu boiynşa auqymdy baǧdarlama jüzege asyryluda. 2025 jyly 267 myŋ orynǧa arnalǧan 232 mekteptıŋ qūrylysy jürgızıldı. Onyŋ ışınde 2025 jyly:
- 112 nysan «Keleşek mektepterı» ūlttyq jobasy aiasynda salynuda.
- 2029 jylǧa deiın tolyq jaŋartu jürgızıletın 1231 mekteptıŋ tızımı anyqtaldy.
- Är türlı qarjylandyru közderı esebınen 50 mektep.
- Qosşy qalasynda halyqaralyq ülgıdegı kolledj qūrylysy pysyqtaluda.
Qoǧamdyq qauıpsızdık jäne zaŋ üstemdıgı
Qoǧamnyŋ tūraqty damuynyŋ kepılı – «Zaŋ men tärtıp» qaǧidatyn saqtau. Qūryltaidyŋ tapsyrmalaryn jüzege asyru şeŋberınde zaŋnamalyq şaralar paketı qabyldandy:
- 5 bırtektı zaŋdy bırıktıretın «Qūqyq būzuşylyqtyŋ aldyn alu turaly» bıryŋǧai zaŋ qabyldandy. Qūqyq būzuşylyqtardyŋ erte aldyn aluǧa, sondai-aq «Zaŋ men tärtıp» qaǧidatyn qamtamasyz etuge basa nazar audaryldy.
- Bukmekerlık keŋselerdıŋ qyzmetın retteudı küşeitetın jäne ludomaniiaǧa qarsy tūruǧa baǧyttalǧan oiyn biznesı mäselelerı boiynşa zaŋ qabyldandy. Veipterdı şyǧaruǧa jäne taratuǧa tolyq zaŋnamalyq tyiym salyndy.
- Jauapkerşılıktı saralaityn zaŋ qabyldandy (esırtkı jasyrumen bırınşı ret ainalysqandar kurerler üşın jūmsartyldy, öndıruşıler üşın qataŋdatyldy). Esırtkı biznesıne qarsy kürestıŋ 2026-2028 jyldarǧa arnalǧan Keşendı jospary jüzege asyryluda.
- Sottalǧan äielderdıŋ, onyŋ ışınde jüktı jäne jas balalary bar äielderdıŋ jazasyn öteu jaǧdailaryn jaqsartu boiynşa ūsynystar äzırlendı. Qylmystyq-atqaru kodeksıne özgerıster engızu jäne kezdesu, qoŋyrau şalu men sälemdemeler alu qūqyǧyn keŋeitu josparlanuda. Būdan bölek, jazadan bosatuǧa negız bolatyn aurular tızbesın keŋeitu pysyqtaluda.
- «Destruktivtı dıni aǧymdar» terminın bekıtetın jäne şetelde teologiialyq bılım aludy retke keltıretın tüzetuler daiyndaldy.
Mädeniet, sport jäne turizm
Memleket basşysynyŋ IV otyrys barysynda şetelde mädeni qatysu turaly bergen tapsyrmasyna säikes Beijıŋde «Qazaqstannyŋ mädeni ortalyǧy» aşyldy. Mäskeude osyndai ortalyqty aşu mäselesı pysyqtaluda.
Animasiia salasynda «Qiial vs qadam» jäne «Bäiterek turaly aŋyz» filmderı memlekettık qoldauǧa ie boldy. 43 animasiialyq şyǧarma YouTube platformasynda jariialandy.
2019 jyldan berı alǧaş ret 5 tolyqmetrajdy multfilm şyqty («Altyn adam», «Jelaiaq», «Şoqan. Qaşqariia sapary», «Adam. Nartäuekel», «Toqty men Serke»).
Sonymen qatar tamyz aiynda Aqtauda «Ürker» Halyqaralyq qysqametrajdy animasiia festivalı öttı, onda «Altyn köl» animasiialyq filmı bas jüldenı enşıledı, sondai-aq «Tūran» tuyndysy «Üzdık qysqametrajdy film» nominasiiasyna ūsynyldy.
Sport salasynda kommersiialandyru jäne biudjettık qarajattyŋ ülesın qysqartu baǧyty jüzege asyryluda.
Jekeşelendırılgen futbol klubtary:
- «Jeŋıs» FK (Astana),
- «Qaisar» FK (Qyzylorda)
- «Qyzyljar» FK (Petropavl),
- «Şahter» FK (Qaraǧandy) jekeşelendıru aiaqtaluda
- «Aqtöbe» FK (Aqtöbe),
- «Elımai» FK (Semei),
- «Oqjetpes» FK (Kökşetau), «Tobyl» FK (Qostanai), «Taraz» FK (Taraz) jäne «Ertıs» FK (Pavlodar) boiynşa äleuettı investorlarmen kelıssözder jürgızılude.
2025 jyly 15 jeltoqsanda Kökşetauda qūny 13,6 mlrd teŋge bolatyn köpfunksionaldy sport keşenı paidalanuǧa berıldı. Arnauly memlekettık qor esebınen qūrylysty qarjylandyru mäselesı pysyqtaldy: jobanyŋ 13,6 mlrd teŋgenı qūraityn jalpy qūnynyŋ 12,6 mlrd teŋgesı däl osy közden bölındı.
Sifrlandyru
Memleket basşysynyŋ Ūlttyq qūryltaidyŋ IV otyrysynda bergen tapsyrmalaryna säikes Ükımet memlekettık basqaru men qarjy sektoryn auqymdy tehnologiialyq jaŋǧyrtuǧa kırıstı.
Ūlttyq Jİ platformasyn ıske qosu jönındegı tapsyrmany oryndau şeŋberınde 15 ortalyq memlekettık organda 36 Jİ-jobasyn engızu jospary bekıtıldı. Jaŋa qūraldar salyqtyq jäne kedendık äkımşılendırudı avtomattandyrudan bastap kölık salasy men ǧylymdaǧy analitikaǧa deiıngı auqymdy mındetterdı qamtidy.
Ūlttyq sifrlyq mūraǧat qūru jönındegı jol kartasy bekıtıldı. Joba üşın gibridtı täsıl taŋdaldy: saqtau – otandyq derekter ortalyǧynda, analitika – būltty servister arqyly jürgızıledı. Jūmys toby otyrysynyŋ qorytyndysy boiynşa jobany bıryŋǧai mädeni-bılım beru portalyna keŋeitu turaly şeşım qabyldandy. «E-kıtaphana», «e-Mūraǧat», e-culture jäne e-museum jüielerımen integrasiia jürgızılude.
Sifrlyq aktivterdıŋ qauıpsız ainalymyn qamtamasyz etu tapsyrmasy jüzege asyryluda. Ūlttyq Bank ozyq halyqaralyq täjıribenı (BAÄ, Euroodaq) eskeretın zaŋnamalyq tüzetuler paketın äzırledı. Qūjat kriptoindustriiany jüielı retteuge jäne eldıŋ qarjy jüiesı üşın täuekelderdı azaituǧa baǧyttalǧan.
