Mäskeude postkeŋestık elderdıŋ egemendıgıne qatysty pıkırtalas tudyrǧan mälımdeme jasaldy. Filosof ärı saiasattanuşy Aleksandr Dugin Qazaqstandy qosa alǧanda bırqatar memleketterdıŋ täuelsız ömır süru mümkındıgıne kümän keltırdı.
Halyqaralyq Euraziialyq qozǧalystyŋ basşysy būrynǧy KSRO qūramyndaǧy elder üşın egemendık tūjyrymdamasy öz maŋyzyn joǧaltqanyn aitty. İnternette taraǧan sözınıŋ üzındısınde ol aldaǧy «jaŋa model» aiasynda derbes memleket retınde ömır süruı mümkın emes dep sanaityn elderdıŋ tızımın atady. Atalǧan qatarǧa Armeniia, Gruziia, Äzerbaijan, Qazaqstan jäne Özbekstan kırdı. Onyŋ aituynşa, ūlttyq memleketter kezeŋı aiaqtalǧan.
«Būl jaŋa modelde eşqandai egemen närse ömır süre almaidy. Bärı bıttı. Egemendık aiaqtaldy. Ūlttyq memleketter ötkennıŋ enşısınde qaldy. Būl – qoqys», - dep tüiındedı Dugin, ıs jüzınde öŋır elderınıŋ otyz jyldyq täuelsız damu jolyn joqqa şyǧara otyryp.
Aleksandr Duginnıŋ būl pıkırlerı qoǧamda keŋ talqylauǧa sebep boldy. Ol 2014 jyly Foreign Policy jurnaly jasaǧan «älemdegı 100 jahandyq oişyl» tızımıne engen, sondai-aq «Geopolitikanyŋ negızderı» atty eŋbektıŋ avtory. Būl eŋbek būryn Resei Qaruly küşterı Bas ştaby akademiiasynda oqu qūraly retınde qoldanylǧan.
Aita keteiık, Qazaqstan būǧan deiın Aleksandr Duginge jäne bırqatar reseilık saiasatkerler men qoǧam qairatkerlerıne elge kıruge tyiym salǧan. Tyiym salynǧan tūlǧalar qatarynda Memlekettık duma vise-spikerı Piotr Tolstoi, telejürgızuşıler Tina Kandelaki, Tigran Keosaian jäne Evgenii Primakov bar. Būl şeşım reseilık tarihşy Andrei Grozinge Astanaǧa kıruge rūqsat berılmegenı belgılı bolǧannan keiın jariia boldy.
DW mälımetınşe (basylym Reseide «şeteldık agent» dep tanylǧan), şekteuler Qazaqstandy synaǧan nemese onyŋ memlekettık egemendıgıne kümän keltırgen jariia mälımdemelermen bailanysty boluy mümkın. Aleksandr Dugin būǧan deiın Reseidıŋ Ortalyq Aziiadaǧy yqpalyn küşeitu qajettıgı turaly bırneşe ret pıkır aitqan.
Resei tarapy atalǧan şekteulerge qatysty äzırge resmi tüsınıkteme bergen joq.
