Foto: Sana
Siriia Arab Respublikasynyŋ prezidentı Ahmad aş-Şaraa Nauryz meiramyn memlekettık deŋgeide tanu turaly jarlyqqa qol qoidy. Būl turaly Siriianyŋ resmi SANA aqparat agenttıgı jazdy, dep habarlaidy “Adyrna”.
Jarlyqtyŋ besınşı babyna säikes, 21 nauryz — Nauryz meiramy Siriianyŋ ūlttyq merekesı retınde resmi aqyly demalys künı bolyp jariialandy. Osyǧan orai, memlekettık qyzmetkerler atalǧan künı jalaqysy saqtalatyn demalysqa şyǧa alady.
«Nauryz meiramy (21 nauryz) köktem men bauyrlastyqty beineleitın ūlttyq mereke retınde Siriia Arab Respublikasynyŋ bükıl aumaǧynda resmi aqyly demalys künı bolyp jariialanady», – delıngen jarlyqtyŋ besınşı babynda.
Qūjatta sondai-aq kürd tılın arab tılımen qatar ūlttyq tıl retınde moiyndau jönınde norma engızılgen. Būdan bölek, etnikalyq jäne tıldık belgıler boiynşa kemsıtuşılıkke zaŋ jüzınde tyiym salynatyny atap ötılgen.
Būl şeşım elde on jyldan astam uaqytqa sozylǧan qaqtyǧystan keiın qabyldanyp otyrǧan keŋ auqymdy reformalar paketı aiasynda jüzege asyryldy. Reformalardyŋ negızgı maqsaty – Siriia qoǧamyndaǧy bırlıktı nyǧaitu, sondai-aq eldegı ärtürlı etnomädeni qauymdastyqtardyŋ qūqyqtaryn moiyndau jäne qorǧau.
Sarapşylardyŋ pıkırınşe, Nauryzdy memlekettık mereke retınde tanu Siriiadaǧy köpūltty qoǧamnyŋ mädeni ärtürlılıgın qūrmetteuge baǧyttalǧan maŋyzdy qadamdardyŋ bırı bolyp sanalady.
