AQŞ-taǧy Washington Post basylymy Maŋǧystau oblysynyŋ tabiǧaty surettelgen maqalasyn jariialady, dep habarlaidy "Adyrna" ūlttyq portaly.
"Toyota 4x4 jolsyz, şöleit jazyq arqyly sekırıp öttı. Artynda künnıŋ säulesınde jarqyrap tūrǧan boz şaŋ būlt qaldy. Al alda aǧarǧan tastardan tūratyn erekşe formasiia aspanǧa şanşylyp tūr", - delıngen maqalada.
Basylym oqyrmandarǧa jergılıktı ömırdı sezınu üşın saparǧa şyqpas būryn paidaly keŋester, jaŋalyqtar men nūsqaulyqtar ūsynady dep atap körsetken.
Maqala avtory, amerikalyq jurnalist Djennifer Miuller, Maŋǧystau öŋırıne jasaǧan sapary barysynda alǧan äserımen bölısıp, aimaqtyŋ erekşe tabiǧi landşafttaryn, bai geologiialyq tarihyn jäne mädeni mūrasyn halyqaralyq oqyrmanǧa tanystyrdy. Jurnalist Maŋǧystaudyŋ ai betıne ūqsaityn kanondary men jartas tüzılımderın AQŞ-taǧy äigılı Monument-Velli ūlttyq parkımen salystyryp, öŋırdıŋ özındık tabiǧi erekşelıgıne joǧary baǧa bergen.
"Bız qaraǧan aŋǧar ejelde Tetis atty köne mūhittyŋ astynda jatqan. Keiın jer qabattary qozǧalyp, Pangeia bölşektenıp, su tartyldy. Myŋdaǧan jyldar boiy tabiǧat tasty, alyp geologiialyq pışınder qalyptastyrdy. Ainalada qylyştai şanşylǧan jartas qanattar, keŋ jaiylǧan üstırtter men irek kümbezder jazyqtan boi köteredı. Būl jer sonşalyqty ūzaq uaqyt quaŋ ärı bos jatqandyqtan, milliondaǧan jyldyq tarih älı de közge anyq körınedı", - deidı saiahatşy-jurnalist.
Sondai-aq, ol ejelgı Tetis mūhitynyŋ ızı saqtalǧan üstırtte teŋız januarlarynyŋ qazba qaldyqtary men jıbek joly boiyndaǧy keruen-sarai qirandylaryna, sopylyq ǧibadathanalar men kielı oryndarǧa nazar audarǧan.
Maqalada Maŋǧystaudyŋ körıktı jerlerı - Bozjyra şatqaly, Jyǧylǧan müiısı, Qyzylqūp jäne Toryştyŋ şarlar alqaby keŋınen sipattalyp, olardyŋ ärqaisysy tabiǧattyŋ milliondaǧan jyldyq tarihynan syr şertetını aitylǧan.
Avtordyŋ aituynşa, öŋır ūzaq uaqyt boiy halyqaralyq turisterdıŋ nazarynan tys qalyp kelgenımen, bügınde oǧan qyzyǧuşylyq artyp keledı. Sapar barysynda reseilık, qytailyq jäne italiialyq turisterdı kezdestırgen jurnalist amerikalyq saiahatşylardyŋ būl baǧytqa endı ǧana bet būra bastaǧanyn atap ötken.
Sonymen qatar, maqalada Aqtau qalasynyŋ Maŋǧystauǧa aparatyn basty qaqpa retındegı maŋyzy körsetılgen. Kaspii teŋızınıŋ jaǧasynda ornalasqan Aqtau 2025 jyly Türkı älemınıŋ mädeni astanasy atanyp, halyqaralyq äue qatynasynyŋ qoljetımdılıgımen erekşelenedı. Qalaǧa Stambūl, Tbilisi jäne Baku qalalarynan tıkelei reister bar.
