Soltüstık Qazaqstan oblysynda Ūly Otan soǧysynyŋ soŋǧy ardagerı Fedor Vasilevich Şeglov 98 jasynda dünieden öttı, dep habarlaidy "Adyrna" ūlttyq portaly.
Būl turaly oblys äkımı Ǧauez Nūrmūhambetov 2026 jylǧy 6 qaŋtarda mälımdedı.
Oblys äkımınıŋ aituynşa, Fedor Şeglovtyŋ 99 jasqa toluyna sanauly künder ǧana qalǧan. Ol 17 jasynda maidanǧa attanyp, 371-atqyştar diviziiasynyŋ qūramynda soǧystyŋ soŋyna deiın erlıkpen şaiqasqan.
Äkım ardager turaly estelıgımen bölıstı.
«Ol menı ärdaiym jyly jüzben qarsy alyp, äskeri qyzmetı, jauyngerlık erlıkterı jäne halyq jadynda mäŋgı qalatyn sol auyr, bıraq qaharmandyqqa toly künder turaly estelıkterımen bölısetın. Onyŋ äŋgımelerı ömırlık danalyqqa, ruhtyŋ myqtylyǧyna jäne Otanǧa degen şeksız süiıspenşılıkke toly edı. Bız üşın, oblys tūrǧyndary üşın Fedor Vasilevich ärdaiym erlık pen qaisarlyqtyŋ simvoly bolyp qala beredı. Bız onyŋ jarqyn beinesın saqtap, ony balalarymyz ben nemerelerımızge jetkızemız. Marqūmnyŋ tuǧan-tuystary men jaqyndaryna şynaiy köŋıl aitamyn. Fedor Vasilevichtıŋ ruhy peiışte şalqysyn!» – dep tüiındedı oblys äkımı.
