Bügın oblys äkımı Nūrlybek Nälıbaevtyŋ qatysuymen Qyzylordanyŋ sol jaǧalauynda boi kötergen toǧyz qabatty 120 päterlık ekı tūrǧyn üidıŋ kıltın kezekte tūrǧan otbasylarǧa tabystau räsımı öttı.
Oǧan Parlament Senatynyŋ deputattary Nauryzbai Baiqadamov, Ruslan Rüstemov, qūqyq qorǧau organdarynyŋ bırınşı basşylary, audan äkımderı men arnaiy kelgen delegattar, ziialy qauym ökılderı men el aǧalary qatysty.
Aimaq basşysy jyl almasar şaqtaǧy jaŋalyqtarǧa, qūrylys, onyŋ ışınde tūrǧyn üi qūrylysy salasyndaǧy jetıstıkterge toqtalyp, jaŋa päter ielerın qonystoimen qūttyqtady.
«Barşaŋyzdy aldaǧy Jaŋa jyl merekesımen şyn jürekten qūttyqtaimyn! 2025 elımız üşın de, öŋırımız üşın de bırlık pen berekenıŋ, tūraqtylyq pen tatulyqtyŋ, jasampazdyq pen jarqyn ısterdıŋ jemıstı jyly boldy.
Prezidentımızdıŋ, Ükımettıŋ qoldauymen öŋırımızde serpındı jobalar jüzege asyp, äleumettık-ekonomikalyq damu baǧytynda oŋ tendensiia qalyptasty. Aimaq negızgı makroekonomikalyq körsetkışter boiynşa respublikada alǧaşqy oryndardan körındı. Jalpy öŋırlık önım kölemı jyl qorytyndysymen 3 trln. 700 mlrd. teŋgege jetıp, 6,5 paiyzdyq ösım qamtamasyz etıldı. Oblys biudjetı 851 mlrd. 300 mln. teŋge bolyp, 2021 jyldan berı 246 paiyz östı. Onyŋ 56 paiyzy äleumettık salaǧa baǧyttaldy. Damu biudjetınıŋ kölemı biyl 207 mlrd. teŋgege jetıp, 2021 jylmen salystyrǧanda 4,4 ese artty.
Öŋırımızde qolaily investisiialyq klimat qalyptasyp, jaŋa ırı investisiialyq jobalar jüzege asuda. Tūrǧyndardyŋ ömır süru sapasyn jaqsartu üşın baspanamen qamtuda, infraqūrylymdy qaita jaŋǧyrtuda tiıstı şaralar qabyldandy.
Memleket basşymyzdyŋ, Ükımettıŋ qoldauymen Qyzylorda qarqyndy qūrylys alaŋyna ainaldy. 2022 jyldan berı 200-ge juyq äleumettık nysan salynyp, el igılıgıne berıldı.
Bügın – memleket qoldauymen baspanaly bolǧan barşaŋyzǧa erekşe kün! Qonystaryŋyz qūtty bolsyn!», – dedı N. Nälıbaev.
Räsımde tūrǧyn üidı sapaly salǧan qūrylysşylar oblys äkımınıŋ Alǧys hatymen marapattalyp, Nauryzbai Baiqadamov qūttyqtau lebızın jetkızdı. Qoǧam qairatkerı Baqbergen Dosmanbetov bata berdı.
Eske salaiyq, 2022-2024 jyldary tūrǧyn üi kezegınde tūrǧan azamattarǧa 5 myŋnan astam päter tabystaldy. Keiıngı üş jylda alǧaş ret barlyq audanda 1800-ge juyq jaŋa päter jerlesterımızdıŋ igılıgıne ainaldy. Biyl 3600 päterlık tūrǧyn üi saluǧa biudjetten 58 mlrd. 785 mln. teŋge bölındı.
Erekşe atap ötu qajet, ötken jyldan berı qalamyzda zamanaui jaŋa dizainmen jetı, toǧyz, on ekı qabatty tūrǧyn üiler boi köterude.
