Daŋqty qolbasşy, Keŋes Odaǧynyŋ Batyry, Halyq qaharmany Bauyrjan Momyşūlynyŋ 115 jyldyǧyna arnalǧan saltanatty jiynda Qorǧanys vedomstvosynyŋ basşysy aviasiia general-leitenanty Däuren Qosanov memorialdyq taqtany aşty.
Is-şaraǧa polk basşylyǧy, jeke qūramy, şaqyrylǧan qonaqtar jäne Qaruly küşterdıŋ ardagerlerı qatysty.
Qorǧanys ministrı Jambyl oblysy Älışer Qyryqbaiūly, Äuesbai Kömekbaiūly, Ämır Jaŋabaiūly, Maqsat Tūrarūly, Mūhit Balmaǧambetūly, Tıleujan Quatjanūly jäne Maqsat Qūrmanǧazyūly syndy batyrlarymen maqtana alatynyn atap öttı.
Onyŋ aituynşa, būl batyrlar – öz halqyna adal qyzmet etken, Otan qorǧaǧan naǧyz patriottar. Qazaqstandyqtar erjürek jauyngerler men Bauyrjan Momyşūlynyŋ erlıgın ūmytpaidy. Oǧan Halyq qaharmany ataǧynyŋ berıluı – halyqtyŋ batyrdyŋ erlıgıne degen zor qūrmetınıŋ aiqyn körınısı.
Esterıŋızge sala ketsek, 2025 jyldyŋ 25 jeltoqsanynda Ūly Otan soǧysyndaǧy körsetken erlıgı men batyldyǧy üşın Qazaqstan Respublikasynyŋ Prezidentı Qasym-Jomart Toqaevtyŋ Jarlyǧymen Bauyrjan Momyşūlyna (qaitys bolǧannan keiın) Halyq qaharmany ataǧy berılıp, erekşe aiyrym belgısı – Altyn Jūldyz ben "Otan" ordenı tapsyryldy.
