Qyrǧyzstan 2035 jylǧa deiın syrtqy qaryzyn öteidı. Būl turaly Qyrǧyzstan prezidentı Sadyr Japarov Bışkekte ötken IV Halyq qūryltaiynda mälımdedı, dep habarlaidy “Adyrna”.
Syrtqy qaryzdardy öteuge kelesı somalar jūmsalady:
- 2025 — 857 million dollar;
- 2026 — 1 milliard 48 million dollar;
- 2027 — 1 milliard 277 million dollar;
- 2028 — 1 milliard 326 million dollar;
- 2029 — 1 milliard 326 million dollar;
- 2030 — 1 milliard 201 million dollar.
“2030 jyldan bastap tölemder kölemı azaia bastaidy. 2035 jylǧa qarai bız soŋǧy 30 jylda jinaqtalǧan memlekettık qaryzdy tolyǧymen öteimız”, — dep mälımdedı Japarov.
Eske salsaq, 25-26 jeltoqsanda Bışkekte 4-şı Halyq Qūryltaiy öttı, oǧan memleket basşysy, ükımet müşelerı, parlament müşelerı, memlekettık organdar men jergılıktı özın-özı basqaru organdarynyŋ ökılderı jäne eldıŋ barlyq aimaǧynan kelgen 690 delegat qatysty.
Sadyr Japarov öz sözınde Qyrǧyzstannyŋ negızgı äleumettık maŋyzy bar mäselelerı men damu basymdyqtaryn atap öttı. Ol mūǧalımdık jäne medisinalyq mamandyqtardyŋ bedelın arttyruǧa, azamattardy äleumettık qorǧauǧa, bılım beru, densaulyq saqtau, mädeniet jäne sport salalaryndaǧy qyzmetkerlerdıŋ jalaqysyn arttyruǧa jäne äielder men balalarǧa qatysty zorlyq-zombylyqty joiuǧa nazar audardy. Sondai-aq, ol sybailas jemqorlyq pen ūiymdasqan qylmysqa qarsy küres jäne Ystyqköldıŋ su deŋgeiı mäselelerın talqylady.
Sonymen qatar, ol aimaqtyq damudyŋ, käsıpkerlıktı qoldaudyŋ, tūrǧyn üi baǧdarlamalaryn ıske asyrudyŋ jäne investisiia tartudyŋ basymdyqtaryn atap öttı. Ol sondai-aq tūraqty ekonomikalyq ösımdı, JIÖ-nıŋ ösuın jäne eldıŋ qarjylyq bazasyn nyǧaitudy atap öttı.
