Almaty-Bışkek avtojolynda jol qozǧalysy qaǧidalaryn būzuşylyqty avtomatty türde tırkeitın beinebaqylau kameralary jūmys ıstep tūr. Būl turaly öŋırlık polisiia mälımdedı, dep habarlaidy «Adyrna» tılşısı.
Stasionarlyq kameralardan bölek, joldyŋ jekelegen bölıkterınde kölıktıŋ ortaşa jyldamdyǧyn baqylau jüiesı engızılgen. Atalǧan jüie kameralar ornatylǧan nüktelerdegı jyldamdyqty ǧana emes, sonymen qatar joldyŋ belgılı bır aralyǧynda kölıktıŋ jürıp ötken uaqytyn eseptep, ortaşa jyldamdyqty anyqtaidy. Eger kölık baqylau aimaǧyn belgılengen normativten qysqa uaqytta eŋserse, jyldamdyq asyru faktısı tırkeledı.
Polisiia ökılderınıŋ aituynşa, būl şara jol-kölık oqiǧalarynyŋ köbeiuıne bailanysty qabyldanyp otyr jäne jol qauıpsızdıgın arttyruǧa, apat sanyn azaituǧa baǧyttalǧan.
Aldaǧy uaqytta mūndai baqylau jüielerın eldıŋ basqa da respublikalyq avtojoldarynda kezeŋ-kezeŋımen engızu josparlanyp otyr.
Qūqyq qorǧau organdary jürgızuşılerdı jyldamdyq rejimın saqtauǧa, jol qozǧalysy erejelerın qataŋ ūstanuǧa jäne jolda mūqiiat boluǧa şaqyrdy.
