Bügın oblys äkımı Nariman Töreǧaliev koreialyq investorlarmen kezdestı. Jiyn barysynda öŋır aumaǧynda tūrmystyq qaldyqtardy jaǧu jäne sūryptau zauyttaryn salu mäselelerı talqylandy.
Būl bas qosu oblys basşysynyŋ Koreia Respublikasyna barǧan qyzmettık sapary aiasynda ornatylǧan yntymaqtastyqtyŋ jalǧasy ekenın atap ötken jön. Jasalǧan ıssapar barysynda taraptar serıktestık ornytyp, zamanaui qaldyqtardy örteu jäne qaita öŋdeu tehnologiialaryn qoldana otyryp, qaldyqtardy kädege jaratu jobalaryn bırlesıp ıske asyru jönınegı memorandumǧa qol qoiǧan bolatyn. Bügıngı kezdesu ortaq müdde mäselelerın jan-jaqty qarauǧa jäne olardy ärı qarai jüzege asyru joldaryn naqtylauǧa mümkındık berdı.
«Būl jobalardy ıske asyru tek qana ekıjaqty yntymaqtastyqty nyǧaituǧa ǧana emes, sondai-aq jaŋa jūmys oryndaryn qūruǧa jäne qaldyqtardy öŋdeu salasynda zamanaui tehnologiialardy engızuge de septıgın tigızedı. Bırlesken bastamamyzdyŋ tabysty boluy üşın bız öz tarapymyzdan qajettı qoldaudy körsetuge daiynbyz», – dep atap öttı öŋır basşysy.
Taraptar jobany ıske asyru kezeŋderın, daiyndyq jäne qūrylys jūmystarynyŋ merzımderın naqtylai otyryp, yntymaqtastyqty jalǧastyruǧa kelıstı.
Atalǧan bastamany jüzege asyru öŋırdıŋ tūrmystyq qaldyqtardy basqaru jüiesın jaŋǧyrtu jäne osy salaǧa ozyq tehnologiialardy engızu boiynşa strategiialyq josparynyŋ bır bölıgın qūraidy.
Esterıŋızge sala keteiık, aǧymdaǧy jyldyŋ qaraşa aiynyŋ aiaǧynda Batys Qazaqstan oblysynyŋ äkımı Nariman Töreǧaliev bastaǧan delegasiia Koreia Respublikasyna jūmys saparymen baryp, ekıjaqty yntymaqtastyqty nyǧaituǧa baǧyttalǧan türlı salalardaǧy bırqatar memorandudarǧa qol qoiǧan bolatyn.
