Baiqoŋyrdaǧy «Soiuz» zymyrandarynyŋ startqa qajet tehnikalyq qūrylymynyŋ zaqymdanuyna bailanysty Reseidıŋ pilottalǧan ǧaryş baǧdarlamasy toqtatylǧan joq. Būl turaly «Roskosmos» baspasöz qyzmetı jazdy, dep habarlaidy «Adyrna» tılşısı.
«Memlekettık korporasiia bas direktorynyŋ orynbasary Dmitrii Baranov reseilık pilottalǧan baǧdarlamanyŋ toqtatylǧany turaly mälımdemelerdı joqqa şyǧaryp, būl mäsele töŋıregınde alyp-qaşpa äŋgımelerge jol bermeuge şaqyrdy», – delıngen habarlamada.
Qazırgı uaqytta zymyran tasyǧyşty qalpyna keltıruge qajet barlyq element pen jabdyqtar jetkızılgen. Jūmystar ekı auysymda jürgızılıp jatyr.
Būǧan deiın «Roskosmos» 27 qaraşada «Soiuz-2.1a» zymyrany ūşyrylǧannan keiın Baiqoŋyrdaǧy ūşyru üstelınıŋ bırqatar elementı zaqymdanǧanyn habarlaǧan edı. Sol kezde memlekettık korporasiia qalpyna keltıruge barlyq qajettı rezervtık bölşekterdıŋ bar ekenın jäne zaqymdar jaqyn uaqytta joiylatynyn mälımdegen.
Zymyran Halyqaralyq ǧaryş stansiiasyna «Soiuz MS-28» kemesın ūşyrdy. Onyŋ bortynda «Roskosmos» ǧaryşkerlerı Sergei Kud-Sverchkov pen Sergei Mikaev, sondai-aq NASA astronavty Kristofer Uiliams boldy.
