Bügın – Jeltoqsan qūrbandaryn eske alu, Demokratiialyq jaŋaru künı, dep habarlaidy «Adyrna» tılşısı.
1986 jylǧy 16 jeltoqsanda Keŋes Odaǧynyŋ kommunistık bilıgı jergılıktı halyqtyŋ pıkırın eskermei, Qazaqstanǧa syrttan basşy taǧaiyndau turaly şeşım qabyldaǧan edı. Būl ädıletsızdıkke qarsy myŋdaǧan qazaq jastary ekı kün qatarynan Almaty qalasynyŋ ortalyq alaŋyna jinalyp, beibıt narazylyq bıldırgen. Alaida keŋestık bilık şerudı küşpen taratu üşın milisiia men äskerdı jūmyldyryp, beibıt jastarǧa qarsy äskeri kürek pen özge de küş qoldanu qūraldaryn paidalanǧan.
Täuelsız Qazaqstan tarihynda «Jeltoqsan oqiǧasy» degen ataumen qalǧan būl köterılıske qatysqandar qataŋ quǧyn-sürgınge ūşyrady. Keŋes bilıgı 99 adamdy ärtürlı merzımge sottap, ekı adamǧa atu jazasyn kestı. Qazaqstan täuelsızdık alǧannan keiın Jeltoqsan oqiǧasyna qatysqan azamattardyŋ barlyǧy tolyq aqtaldy. Būl oqiǧa Keŋes Odaǧy tarihyndaǧy ūlt-azattyq sipattaǧy alǧaşqy jappai qozǧalystardyŋ bırı retınde tarihta qaldy.
1991 jylǧy 12 jeltoqsanda tūŋǧyş prezident Nūrsūltan Nazarbaev «1986 jylǧy 17–18 jeltoqsan oqiǧalaryna qatysqany üşın jauapkerşılıkke tartylǧan azamattardy aqtau turaly» Jarlyqqa qol qoiǧan edı. Atalǧan qūjat arqyly Jeltoqsan oqiǧasyna qatysqan azamattarǧa qūqyqtyq ärı saiasi tūrǧydan ädıl baǧa berılıp, negızsız quǧyn-sürgınge ūşyraǧandar tolyq aqtaldy. Sonymen qatar 17 jeltoqsan «Demokratiialyq jaŋaru künı» retınde belgılendı.
Alaida bügınde «Demokratiialyq jaŋaru künıne» qatysty resmi aqparat sirek kezdesedı. Soŋǧy jyldary būl kün resmi küntızbeden alynyp tastaldy. Qoǧam būl kündı köbıne Jeltoqsan oqiǧasymen ǧana bailanysty eske alady.
