Singapurda ötıp jatqan para jüzuden älem chempionatynda Nūrdaulet Jūmaǧali brass ädısımen 100 metr qaşyqtyqty 1:06.64 sekundta jüzıp ötıp, kümıs jüldege ie boldy, dep habarlaidy «Adyrna» tılşısı Turizm jäne sport ministrlıgıne sılteme jasap.
Bırınşı oryndy beitarap eldıŋ sportşysy Timofei Guk 1:06.51 uaqytymen ielense, üşınşı orynǧa 1:06.99 sekund nätijesımen ukrainalyq Aleksei Fedina jaiǧasty.
Aita keteiık, būl Nūrdaulettıŋ älem bırınşılıkterındegı üşınşı kümıs jüldesı. Būǧan deiın ol 2022 jyly Madeirada jäne 2023 jyly Manchesterde jüldeger atanǧan bolatyn.
Para jüzuden älem chempionaty 21–27 qyrküiek aralyǧynda ötıp, bairaqty bäsekede 75 memleketten 600-ge juyq sportşy qatysyp jatyr. Qazaqstan atynan 7 sportşy baq synauda. Singapurda ötıp jatqan būl turnir Los-Andjeles 2028 Paralimpiada oiyndarynyŋ aldyndaǧy jaŋa paralimpiadalyq sikldıŋ alǧaşqy ırı jarysy bolyp sanalady.
Bügınde elımızde 19 paralimpiadalyq sport türı belsendı damyp, jyl saiyn 800-den astam ıs-şara ūiymdastyrylady.
