29 shildede "QazMunaıGaz" UK AQ (budan ári - QMG) Basqarma tóraǵasy Maǵzum Myrzaǵalıev Mańǵystaý oblysyna jumys saparynda "Caspi Bitum" BK JShS bardy.
Esterińizge sala keteıik, Memleket basshysy Qasym-Jomart Toqaev 2022 jylǵy 14 shildede ótken Úkimettiń keńeıtilgen otyrysynda jol qurylysy úshin qajetti materıaldardyń jetispeýshiligi jasandy jáne jol bıtýmy salasyndaǵy otandyq óndiristiń áleýeti tolyq paıdalanylmaı otyr, - dep málimdegen.
«Qazaqstanda jol qurylysyna qajetti materıaldyń bári bar. Biraq, otandyq óndiristiń áleýeti tolyq qoldanylmaıdy. Muny tipti qoldan jasalǵan tapshylyq deýge bolady. Mysaly, elimizde bıtým óndiretin úsh zaýyt bar. Soǵan qaramastan, 200 myń tonna bıtým jetispeıdi», - dep aıtqan QR Prezıdenti joldardy sapaly salý úshin jergilikti resýrstardy belsendi paıdalanýǵa shaqyrǵan.
Jol bıtýmyn óndirý boıynsha Aqtaý "Caspi Bitum" zaýyty 2013 jyly paıdalanýǵa berildi. Munaı óńdeýde jobalyq jyldyq qýaty mıllıon tonna.
Qarajanbas ken ornynan alynatyn erekshe munaıdy qaıta óńdeý arqyly TMD elderindegi eń úzdiktiń biri jáne joǵary sapaly jol bıtýmyn óndirýge múmkindik beredi. Ótken jyly zaýytta jańǵyrtýlar júrgizilip, totyqqan bıtým óndirý boıynsha qýaty ulǵaıdy.
Zaýyt tasymaldaý jáne saqtaý kezinde bıtýmnyń joǵary sapasyn saqtaıtyn bıg-begte ólshep oralǵan bıtýmdy, sondaı-aq joǵary jáne tómen temperatýralarǵa ıkemdilik pen tózimdiliktiń jaqsartylǵan sıpattamalaryna ıe túrlendirilgen bıtým sııaqty ınnovaııalyq ónimderdi óndiredi.
Daıyn ónim shyǵarý kólemine keletin bolsaq, 2021 jyly zaýyt 400 myń tonnadan astam bıtým shyǵardy, al 2022 jyldyń basynan bastap zaýyttan 240 myń tonnaǵa jýyq joǵary sapaly jol bıtým jóneltildi.
Sapar barysynda "QazMunaıGaz" basshysy zaýyt qýatyn 1,5 esege arttyrý proesin jedeldetýdi jáne qysqa merzimde bul máseleni JShS pen QMG tıisti organdarynyń qaraýyna shyǵarýdy tapsyrdy.
"Qazirgi ýaqytta Aqtaý bıtým zaýytynyń munaı óńdeý kólemin jylyna 1 mıllıonnan 1,5 mıllıon tonnaǵa deıin ulǵaıtý múmkindigi bar. Qazirdiń ózinde jobalyq-smetalyq qujattamany ázirleýge kiristik. Bul joba kásiporyndaǵy bıtým óndirisin jylyna 750 myń tonnaǵa deıin arttyrýǵa múmkindik beredi", — dep baıandady Bas dırektordyń mindetin atqarýshy Atymtaı Baltabaev.
Sondaı-aq, M.Myrzaǵalıev maýsymaralyq kezeńde ólshep oralǵan bıtýmdy odan ári iske asyrýdy uıymdastyrýdy tapsyrdy jáne óndiristik kórsetkishterdi kótere otyryp, óndiristegi áleýmettik turaqtylyqqa qamqorlyq jasaý, eńbek jaǵdaılaryn jáne jumyskerlerdiń ál-aýqatynyń deńgeıin jaqsartý, kásiporynnyń óńirdegi áleýmettik mańyzdylyǵyn arttyrý asa mańyzdy ekenin atap ótti.
Anyqtama:
Zaýyt dúnıejúziniń kez-kelgen núktesine tasymaldaý kezinde túpnusqalyq sapany saqtap qalýǵa múmkindik beretin oralǵan bıtýmdardy, ásirese úlken paketterde shyǵarý qarqynyn arttyrýdy jalǵastyrýda. Aqtaý zaýytynyń bıtýmy "Batys Eýropa – Batys Qytaı" trassasyn qosa alǵanda, elimizdiń barlyq strategııalyq avtojoldarynyń qurylysy kezinde qoldanyldy. Sondaı-aq, zaýyt ónim sapasyn, tehnologııalyq syzbalardy arttyrý, bıznes-proesterdi jetildirý baǵytynda úzdiksiz jumys isteýde.
2022 jyldyń kókteminde "Caspi Bitum" BK JShS halyqaralyq menedjment júıesindegi ISO 55001:2014 standarttarynyń talaptaryna sáıkestik sertıfıkaty rastaldy.
