Aqtóbede beı-bereketsiz tógilgen qoqysty polıgonǵa jetkizýge 95 mln teńge bólindi, dep habarlaıdy «Adyrna» tilshisi «Habar 24»-ke silteme jasap.
Qala bıliginiń aıtýynsha, shahar tóńiregin zerdelep, ár jerde úıilgen turmystyq qaldyqty anyqtaý úshin ǵaryshtan baqylaý jasalady. Osydan eki jyl buryn 417 oryn anyqtalsa, byltyr 230 úıindi bolǵan. Qurylys qaldyqtary men eski jıhaz sııaqty kólemi úlken qoqysty turǵyndardyń ózderi polıgonǵa jetkizýge mindetti. Biraq kóp jaǵdaıda bul talap eskerilmeı keledi.
«Kosmomonıtorıng arqyly quzyrly mınıstrlik qoqystyń naqty kólemin anyqtaǵan soń bıýdjetten tıisti qarajat bólýge sáti tústi. Bıyl 95 mıllıon teńge qarastyrylǵan. Bul qarajatty qalanyń damýyna jumsaýǵa bolar. Sondyqtan bul qoldan jasalǵan másele. Polıeıler zań buzǵan adamdardy anyqtap, jaýapqa tartady. Bizdiń qolymyzǵa da túsedi. Biraq aınalada úıilgen qoqysty eki jyl boıy shyǵaryp kele jatqanymyzben másele sheshilmeı keledi»,– dedi qala ákimi Ashat Shaharov.
